روغتیا

که خوب نه درځي لاندې لارښونې عملي کړئ

نن ټکی اسیا (دوشنبه، کب ۱۸مه ۱۳۹۳ل): ستونزې، لانجې او تشویشونه ورځ تر بلې زیاتیږي. له ځوانانو تر سپين ږیرو ټول ددې شکایت کوي چې خوب نه ورځي، په کټ کې ښي او چپ اړخ ته اوړي خو سترګو یې قسم کړی وي چې خوب به ورنشي، سهار داسې حالت کې راويښ شي چې نه یې خوب پوره وي نه یې ستوماني ختمه شوې وي.

د خوب ستونزې ته د جرمني ځېنو ډاکترانو حل راویستی دی، دوی وايي چې کومو کسانو ته چې خوب نه ورځي هغه باید د مازدیګر تر څلور بجو وړاندې په خلاصه هوا کې وګرځي یا کیني. ځکه د ورځې رڼا په میلاتونین هارمونونو مثبت اغېزه کوي، دغه هارمونونه په جسم کې د ورځې او شپې هماهنګي کنترولوي.

ډاکتران وايي چې د خوب په وخت کې ټوله كوټه باید د سمڅې په څېر تیاره شي همدا راز د کوټې د تودوخې درجه باید له ۱۶ تر ۱۸ وساتل شي.

که د پورته تدابیرو د نیولو سربېره بیا يې هم خوب له سترګو کډه کړې وه نو داسې وخت کې دې په کټ کې ويښ نه پاتې کیږي، بلکې یو بې خونده او ستړی کوونکی کار دې وکړي، لکه کوم کتاب چې هېڅ خوند نه ورکوي، هغه دې ولولي، مثال په ډول محصلین زیاتره د درسي کتابونو د لوستلو سره دښمني لري، درسي کتاب دې راواخلي، ستړې کوونکې موضوع دې انتخاب کړي، تر هغه دې ولولي چې خوب ورشي.

دا دې لپاره چې خوب زیاتره وخت په دماغو د بوج او تشویش له کبله انسان ته نه ورځي، تشویش له سترګو خوب تښتوي، او که په کتاب او نورو شیانو ځان مصروف کړي، کوم کار له کبله چې خوب نه ورځي د هغې څخه به یې فکر واوړي او خوب به ورته ورشي.

ورته لیکنې

ګډون وکړئ
خبرتیا غوښتل د
guest
1 Comment
زړو
نویو ډیرو خوښو شویو
Inline Feedbacks
ټولې تبصرې کتل
حنيف

زما به تجربي, اودس دي وكري او دوه ركعته لمونز دي وكري كه خوب ورنغي بيا زه ملامته, دوي خو كافر دي به الله عقيده نه لري هسي جتي جتي خبري كوي…

Back to top button
1
0
Would love your thoughts, please comment.x
()
x