افغانستان

په مزار شریف کي د اهل تشیع پر ماتم باندي چاودنه کي څلور تنه مړه او څلور نور ټپیان شوي دي

shia_matam_in_kabulنن ټکی آسیا: د بلخ ولایت په مرکز مزار شریف کی د اهل تشیع پر ماتم کونکو د چاودني له کبله څلور تنه مړه او څلور نور ټپيان شوي دي.

د مزار شریف څخه امنیتي چارواکي خبر ورکوي چي نن له غرمې مخکي د مزار شریف د ښار اړوند د الکوزي په څلور لاري کې هغه مهال چاودنه را منځته شول، کله چي د اهل تشیع ماتم کونکي د سيمي څخه د تیریدو په حال کې وه.

د امنیتي چارواکو په وینا په دې چاودنه کې څلور تنه اهل تشیع مړه او څلور نور ټپیان شول.

تر اوسه ددې چاودني پړه چا په غاړه نه ده اخیستې.

د بلي خوا داسي راپورونه هم ترلاسه شوي دي چي د مزار شریف په پوهنتون کي د سنیانو او شیعه ګانو تر منځ نښته را منځته شوې ده، خو د مرګ ژوبلي په اړه يې معلومات نه دي تر لاسه شوي.

باید وویل شي چي نن په کابل کي هم د اهل تشیع پر تکیه خانې باندي چاودنه را منځته شوه، چي له کبله يې د څلویښتو تنو په شاوخوا کې خلکو ته مرګ ژوبله ورسیده.

د وروستي راپورونو پر اساس د لشکر جنګوي العالمي په نامه یوه ګروپ د کابل د چاودني مسئولیت په غاړه اخیستی.

لشکر جنګوي په پاکستان کي یو مشهوره وسلواله ډله ده چي د شیعه ګانو په خلاف عملیات تر سره کوي، خو دې ګروپ ځانته نړیوال تنظیم ویلی، او په دې توګه په افغانستان ته هم عملیات غځولي دي.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x