افغانستان

د سږني کانکور پایلې اعلانېږي

نن ټکی اسیا (سه شنبه، کب ۲۶مه، ۱۳۹۳ل): د هېواد د لوړو زده کړو وزارت مسوولین وايي چې د سږني اخیستل شوي کانکور پایلې به ډېر ژر د دې وزارت په رسمي برېښنا پاڼه پر لیکه شي.

د لوړو زده کړو وزارت تدریسي مرستیال محمد عثمان بابري رسنیو ته ویلي چې دوی سږ کال په ټولیز ډول د لوړو زده کړو مؤسسو ته ۲۱۸۰۷تنه محصلین جذب شوي.

د بابري په خبره پورته شمېره محصلین د ۲۲۳۰۰ تنو له ډلې بريالي شوي، چې یوازې ۴۴۳ تنه يې پاتې شوي دي.

د سرچینې په قول په ورته توګه د نیمه لوړو زده کړو مؤسسو ته ۲۱۳۴۴ تنه بریالي شوي، په داسې حال کې چې دغه مؤسسې د ۴۳ زره تنو دجذب ظرفیت لري.

که څه هم د لوړو زده کړو وزارت مسوولین د کانکور پایلو ته خوښ بريښي او په خبره يې د پاڼو د ارزولو لپاره يې دقیق پلاوی ټاکلی و، خو ځینې سرچینې وايي چې لاسوهنه پکې وه.

د هېواد تعلیمي مؤسسو ته په داسې حال کې زرګونه تنه بریالي کېږي، چې له همدې مؤسسو فارغ شوي زرګونه تنه بیا د کار د نشتوالي له امله شکایت کوي.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x