نړۍ

کليفورنيا کې يو امريکايي عسکر وژل شوی

نن ټکی اسیا (پنجشنبه، کب ۲۹مه ۱۳۹۳ل): د امريکا سمندري ځواکونو يو عسکر کليفورنیا ايالت کې وژل شوی دی.

ايسوشيټيډ پريس خبر ورکړی، چې د امريکا د سمندري ځواکونو يو عسکر کليفورنيا ايالت کې د نظامي روزنې پر مهال وژل شوی دی.

د سمندري ځواکونو وياند وايي، چې ۲۵ کلينټن جيمز ۲۰۰۸ ز کال کې له حربي ښوونځي فارغ شوی و او له هغې وروسته د امريکا سمندري ځواکونو کې يې د يو عسکر په توګه دنده درلوده.

اسوشيټيډ پريس زياتوي، چې چارواکو تر اوسه د وژل شوي عسکر د وژنې لامل نه دی په ډاګه کړی.

تېره اونۍ هم د امريکا اووه سمندري او څلور ځمکني پوځيان هغه مهال تري تم شوي وو، چې چورلکه يې د امريکا فلوريډا ايالت کې د هوا د خرابۍ له امله د ډسټن او پينساکولا تر منځ سمندر کې پرېوتې وه.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
ستاسو نظر مونږ ته دقدر وړ دی، راسره شریک یې کړئx
()
x