زیاته اندازه ویټامین ډي (Vitamin D) مو په فلج اخته کولی شي

نن ټکی اسیا (سه شنبه، وري ۴مه ۱۳۹۴ل): دا یو ثابت حقیقت دی چې ویټامین ډي د ډیرو ناروغیو لپاره اړین دی خو د ویټامین ډي (Vitamin D) زیات استعمال انسان د زړه او فلج په ناروغیو اخته کولی شي.

دغه نوې څیړنه په ډنمارک کې ترسره شوې. دغه څیړنه ښيي چې د ویټامین ډي زیات استعمال انسان په مختلفو ناروغیو اخته کولی شي خو پام مو وي چې کمه اندازه يي هم د انسان روغتیا لپاره مضر دی.

د راپور پر بنسټ په بدن کې د ویټامین ډي زیاتوالی د زړه د ناروغیو خطر زیاتوي چې د همدې ویټامین زیاتوالی په انسان کې د فلج ناروغۍ خطر هم زیاتوي.

په دغه څیړنې کې د ګډون کوونکو روغتیايي کارپوهانو په وینا د ویټامین ډي اندازه د انسان په وینو کې باید د ۵۰ او ۱۰۰ نانو ګرام تر منځ وي.

روغتیايي کارپوهانو په وینا له یاد شوې اندازې څخه زیات ویټامین ډي د انسان په روغتیا منفي اثر لري او هغه خلک چې د اوږدې مودې لپاره د ویټامین ډي ګولۍ استعمالوي د هغوي په بدن کې زیاته اندازه کلسیم جذبیږي چې له همدې امله د انسان ګردې هم زیانمنوي.

د نن ټکی اسیا موبایل اپلیکیشن
avatar
  ګډون وکړئ  
خبرتیا غوښتل د