نړۍ

جرمنۍ الوتکه په فرانسه کې غورځېدلې

نن ټکی اسیا (سه شنبه، وري ۴مه، ۱۳۹۴ل): فرانسوي رسنیو د دغه هېواد د پولیسو له قوله لیکلي جې «ایر باس» جرمنۍ الوتکه د فرانسې په جنوب کې هغه مهال غورځېدلې چې ۱۴۲ سپرلۍ یې جرمني ته لېږدولې.

رويټرز خبري اژانس د فرانسوي پولیسو له قوله لیکلي چې جرمنۍ (AIRBUS ۳۰۲) الوتکه چې ۱۴۲ مسافر یې لېږدول د فرانسې په جنوب کې غورځېدلې.

فرانس پریس خبري اژانس د امنیتي سرچېنو له قوله لیکلي چې الوتکه د جرمن وینګز هوايي شرکت ده او د هسپانیې څخه جرمني ته پر لاره د «فرینچ ایلپس» په غرنیزه سیمه کې غورځېدلې.

د جرمن وینګز هوايي شرکت مسوولینو هم د پېښې پخلی کړی او ویلي یې دي چې په ایرباس ۳۰۲ ډوله الوتکه کې ۱۴۲ مسافر، ۲ پيلوټان او ۴ نور د الوتکې کارکوونکي سپاره وو.

د فرانسې ولسمشر فرانسوا هولانډ د پېښې په تړاو ویلي چې د پېښې له حالاتو داسې معلومیږي چې په الوتکه کې هېڅوک بچ شوي نه دي او الوتکه په داسې سیمه کې غورځېدلی چې هلته ورتګ ستونزمن دی.

خو د المان صدراعظمه انګیلا میرکل وايي چې سبا به د پیښې ځای ته پخپله ورځي تر څو وضعیت له نږدې وګوري.

نوموړې زیاته کړې چې د الوتکې ډیری سپرلۍ د المان، هسپانیې او ترکیې اوسیدونکي وو. هغې د پیښې د قربانیانو له کورنیو سره غمرازي ښودلې.

ورته لیکنې

ګډون وکړئ
خبرتیا غوښتل د
guest
1 Comment
زړو
نویو ډیرو خوښو شویو
Inline Feedbacks
ټولې تبصرې کتل
abdulrhman

سنګه کولاي شو چي نن ټکي اسيا صفحه زماده فيسبوک پرټيملين باندي راشي جواب په انتظار

Back to top button
1
0
ستاسو نظر مونږ ته دقدر وړ دی، راسره شریک یې کړئx
()
x