روغتیا

ګرم چای څښل بدن ته ډېر زيانمن دی

نن ټکی اسیا (شنبه، وري۸مه ۱۳۹۴ل): ګرم چای څښل انساني بدن ته ډېر زيات زيان اړوي.

د لندن ايسټ کينت طبي پوهنتون او برټس ساينس ټولنې له خوا په ګډه طبي څېړنه کې ويل شوي، له چای څخه چې کوم لوګی خيژي، که دغه وخت کې يې څوک وڅښي، نو دغه لوګی انساني بدن ته ډېر زیات زيان اړوي.

ګرم چای څښلو سره د انسان له پوزې او نور بدنه د وينې تويدو ناروغی رامنځته کېدای شي او که د ګرم چای څښلو له امله د چا پوزه يا د بدن له بلې برخې وينه روانه شي، نو بايد تر څلورويشتو ساعتونو چای ونه څښي، تر څو د بدن رګونه په سمه توګه خپل کار له سره پيل کړي.

يوې پخوانۍ طبي څېړنه کې ويل شوي و، چې تاوده مشروبات څښل انسان د مرۍ په سرطان اخته کولای شي.

۲۰۱۲ز کال کې د ګليسګو طبي پوهنتون په خپله څېړنه کې ويلي و، چې څوک زيات چای څښي، نو د نورو خلکو په پرتله پنځوس سلنه زيات د غدود په سرطان اخته کېدای شي.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
ستاسو نظر مونږ ته دقدر وړ دی، راسره شریک یې کړئx
()
x