ورزش

فټبال : افغانستان نیپال ته په ماتې ورکولو فاینل ته لار ومونده

.نن ټکی اسیا: دافغانستان دفټبال ملي لوبډلې دنیپال ملي لوبډلې ته په ماتې ورکولو پایلوبې ته لار ومونده .دجنوبي اسیا دهیوادونو ترمنځ دفټبال دغه سیالۍ چې دهند په پلازمینه نوي ډیلي کې ترسره شوې،په نیمه پایلوبه کې یې نن د افغانستان ملي لوبډلې نیپال ته ماتې ورکړه او ځان یې پایلوبې ته ورساوه .

دلوبې په لومړي سر کې نیپالي لوبغاړو په خپلو تیزو او پرلپسې بریدونو سره افغاني لوبډله په خطرکې واچوله خو په ګول کولو برلاسه نه شوه . بالاخره په دوهمه نیمایې کې په لسمه دقیقه افغان ملي لوبډلې دګول په کولو سره بریا ترلاسه کړه .له هغه ورسته افغاني لوبغاړو دبل ګول کولو هڅه ونکړه او یوازې یې کوشش دا وو چې توپ له ځان سره وساتي .

په لوبه کې ګول ساتونکی حمیدالله یوسفزی او جلال الدین شریعت یار خورا ښه وځلیدل او خپل ځایونه یې په ښه توګه سمبال کړل .

دافغان لوبډلې ګول کونکي بلال ارزو وو چې په یوازې سر یې توپ له ډیره لیرې دګول تر منځه پوره ورساوه .

دیادونې وړ ده چې دا لمړۍ دفټبال سیالۍ دي چې پکې افغانستان ملي لوبډله پایلوبې ته لار وموندله .

ددغوسیالیو پایلوبه  به دیکشنبې په ورځ دهندله ملي لوبډلې سره په نیپال کې ترسره شي .

عابرمسافر/ نن ټکی اسیا

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x