هلک که نجلۍ ؟

ډاکټر سباوون

که څوک غواړي لور ولري ، غوره ده د کلسيم او مګنېزيم اندازه د پو تاشيم او سوډيم تر اندازې زياته وي . هغه خواړه چې سوډيم لري ، لکه : غوښه ، هګۍ ، ځيګر ، ګازرې ، پالک ، شيدې او مالګه دي ، خو هغه خواړه چې پوتاشيم لري په هغو کې غوښه ، مېوه ، لبلبو ، چهار مغز ، دغنمو ځوانکې او دغسې نور شيان پر دې سربېره ککو شيدې مستې ، آيس کريم ، شلغم ، بادام ډېر کلسيم لري .

دغه ډول خواړه نور هم پيدا کولای شي . په دې ډول ويلای شو چې خرما ، ګازرې ، ځيګر ، غوښه ، کېله ، هګۍ  او کچالو هغه خواړه دي ، چې ممکنه ده مرسته وکړي چې يو څوک هلک پيدا کړي ، دغه راز بادام ، ککو ، شيدې ، مستې ،کرم ، کدو ، شنه مرچ او نور دنجلۍ په پيداکېدو کې مرسته کو لای شي .

هغه خواړه چې لږ کالوري توليدوي او مغذي او کاني مواد يې کم وي ، ممکن مرسته وکړي چې راتلونکی ماشوم نجلۍ وي او ايکس ايکس کرموزومونه له يو بل سره يو ځای شي ، لکه چې مخکې مو وويل ، نارينه دوه ډوله کرموزوم لري ، چې ځينې سپرمونه ايکس او ځينې نور وايې کرموزوم لري ، خو د ميرمنې هګۍ يو پنډه هګۍ ده چې حرکت يې ډېر ورو او ټکنی دی ، خو د نارينه وو ايکس کرموزوم بيضوي بڼه لري او د وايې تر کرموزوم دروند او پنډ دی او ورو حرکت لري ، خو عمر يې بيا تر وايې زيات وي .

وايې لرونکي کرموزوم ګردی ، خو وړوکی سر لري او لکۍ يې اوږده وي ، دغه راز ګړندی هم دی ، خو عمر يې تر ايکس لږ وي او کمزوری دی ، اصلي خبره داده چې که څه هم وايې  سپرمونه کمزوري دي او لنډ عمر لري ، خو شمېره يې له ايکس ډوله زياته وي ، چې دغه چاره يې کمزورتيا بېرته جبرانوي ، په دې ډول ويلای شو چې د هلک او نجلۍ د درلودلو چانس يو شان کېږي ، وايې سپرمونه په اسيدي چاپېريال کې حساس وي او په دې چاپېريال کې له منځه ځي .

ايکس سپرمونه په اسيدي چاپېريال کې ډېر مقاومت لري ، ځکه خو په ځينو هېوادونو کې د جنسيت د ټاکلو لپاره له اسيدي يا قلي وينځلو استفاده کېږي ، په دې ډول ويلای شو ، که د مهبل د چاپېريال پي ايچ اسيدي يا تېزابي وي ، له دې چې د هلک دپيداکېدو سپرم وايې په دې چاپېريال کې له منځه ځي ، نو ژر ځان هګۍ ته نه شي رسولای ، نو په دې ډول داامکان زيات دی چې نجلۍ پيدا شي ، ځکه چې د نجلۍ پيدا کوونکی سپرم په اسيدي چاپېريال کې مقاومت کوي او ځان دمېرمنې هګۍ ته رسولای شي ، کله چې په مېرمنو کې هګۍ جوړېږي ، په دې ورځ او حتی له هغه دوې ورځې وروسته د مهبل پې ايچ قلي وي ، له دې کبله سپارښتنه کېږي چې که غواړئ زوی ولرئ ، په دغه وخت کې مقاربت ښه دی ، خو له دې مودې وروسته دمهبل چاپېريال تېزابي کېږي او بيا دنجلۍ دپيدا کېدو چانس ډېر وي ، که غواړئ لور مو پيدا شي ، په دې وخت کې مقاربت ګټه لري ، نوکه غواړئ نجلۍ مو پيدا شي ، رحم ته دهګۍ له رسېدو اته څلويښت ساعته وروسته مقاربت وکړئ .

د مياشتنۍ ناروغۍ له پيله کابو څوارلس ورځې وروسته هګۍ رحم کې ځای پر ځای کېږي ، په دې هکله د اميدوارۍ په برخه کې پوره توضيحات ورکړي دي ،خو ددې لپاره چې يوه مېرمن پوه شي ،کله هګۍ رحم ته کوزېږي او داکومه ورځ ده ، غوره ده يوې زنانه ډاکټرې ته ورشئ چې درحم دتودوخې ددرجې د اندازه کېدو چل دروښيي ، له هغه وروسته د مياشتنۍ مريضي يا خونريزۍ له لومړۍ ورځې د رحم تودوخه اندازه کوئ اوهغه له ځان سره يادداشت کړئ ، دغه کار هر ه ورځ ترسره کړئ ، تر هغې ورځې پورې چې  دغه تودوخه يوه يا يوه نيمه درجه لوړه شي ، دغه ورځ د هګۍ دځای پر ځای کېدو ورځ ده ، په دې ورځ د بدن او درحم تودوخه زياتېږي ، ځينې ډاکټران باوري دي کله چې مېرمن د جنسي ارګاسم يا خوند اوج ته ورسېږي ، نو په دې وخت کې د رحم او مهبل چاپېريال له اسيدي بڼې قلي بڼې ته بدلېږي او ورسره دمهبل عضلات رحم پورته لور ته راکاږي ،نو که غواړئ هلک ، له مېرمنې سره ډېره مينه وکړئ او هغه دجنسي خوند څوکې يا ارګاسم ته ورسوئ ، هغه کسان چې ډېرې نجونې لري او غواړي هلک ولري ، غوره ده يوځل خپل سپرم اندازه کړي ، ځکه که د سپرم اندازه له شل ميليون په يو سي سي کې کمه وي ، اتيا په سلو کې دااحتمال شته چې نجلۍ پيدا کړي او که له پنځو ميليونو کم وي ، دغه احتمال  نور هم زياتېږي ، نو څومره چې سپرم ډېر وي ، هومره د هلک د پيدا کېدو چانس هم ډېر وي ، د ليزو په وسيله دسپرم په نښه کول په دې روده  کې هغه سپرمونه چې ايکس کرموزوم لري ، په ليزر سره په نښه کېږي ، په يوې وسيلې سره وای له ايکس څخه بېلېږي ، نو که مور او پلار هر جنس ماشوم وغواړي ، هغه له هګۍ سره القاح کېږي ، البته په دې روده  کې سپرم په نورو رودو دمور رحم ته پېچکاري کېږي ، داښايي له ډېرې مودې راهيې دبشريت يوه غوښتنه وي ، خو ډېري ډاکټران وايي چې دغه کار ناشونی دی او هغه نظريې چې يادونه يې وشوه ، بيکاره بولي ، خو داسې شواهد شته چې دغه رودو نتيجه ورکړې ده ، نو د رحم پې ايچ ، د مقاربت وخت ، او هغه عوامل چې مخکې يې يادونه وشوه ، ممکنه ده ګټور کارونه وي ، خو غوره ده له يو ډاکټر سره هم پرې مشوره وکړئ .

avatar
  ګډون وکړئ  
خبرتیا غوښتل د