نظــر

د مجاهدینو «زغلوونکی» بیا راغی!

کمونسټانو به ځکه په ویاړ او افتخار سره ویل چې موږ مجاهدین زغلولي، دوی هیڅ بل ځای جګړه په دومره قوت نه وه ګټلې لکه چې د جلال آباد جګړه د جنرال افضل لودین په مشري د ډاکټر نجیب الله حکومت وګټله، دا چې کمونسټانو ویل چې مجاهدین مو زغلولي، هدف همدا د جنرال لودین جګړه ده. هو، همدې لودین د دوی په خبره مجاهدین «وزغلول»

نظرمحمد مطمئن
لیـکوال او شــناند

د جهاد په وروستیو کلونو کې، مجاهدینو پر جلال اباد ښار یوه درنه حمله وکړه چې د ډاکټر نجیب ځواکونو ورته ماتې ورکړه. د جلال اباد ماتې که له یوې خوا د مجاهدینو مورال زیانمن کړ، له بلې خوا یې د ډاکټر نجیب د ماتو شویو او نهیلو ځواکونو مورال پورته کړ. د دې جګړې د «شهکار» څښتن، د ملي دفاع وزارت اوسنی نوماند، جنرال افضل لودین دی!

د ګډ حکومت مشران له څه کم اووه میاشتو وروسته پر دې وتونېدل چې د ملي دفاع وزارت ته هم یو «متفق علیه» شخصیت غوره کړي. د جنرال افضل لودین غوراوی د ډېرو اوږدو کمکشونو، لانجو او د واک پر سر د اخ و ډب پایله ده. په تېرو ټاکنو کې غني د تخصص شعار ډېر پورته کړی او عبدالله بیا ځینو د مجاهدینو «مدافع» باله؛ اوس د لودین ټاکنه د همدې دوو ښاغلو انتخاب دی. لودین څوک دی؟ څه یې کړي؟

کمونسټانو به ځکه په ویاړ او افتخار سره ویل چې موږ مجاهدین زغلولي، دوی هیڅ بل ځای جګړه په دومره قوت نه وه ګټلې لکه چې د جلال آباد جګړه د جنرال افضل لودین په مشري د ډاکټر نجیب الله حکومت وګټله، دا چې کمونسټانو ویل چې مجاهدین مو زغلولي، هدف همدا د جنرال لودین جګړه ده. هو، همدې لودین د دوی په خبره مجاهدین «وزغلول».

د جلال آباد جګړې د مجاهدینو او ډاکټر نجیب الله له پاره پریکنده ارزښت درلود، مجاهدین د جلال آباد هوايې ډګر ته راورسیدل.

اسامه بن لادن د ثمرخیلو غره کې له خپلو عربو مجاهدینو سره جګړه کوله، په لومړي خط کې حاجي دین محمد او انجنیر محمود او د محاذ ملي ځينې مجاهدین وو.

لومړی ځل امریکايي بي ایم – یو راکټ BM1 د جلال آباد په جګړه کې حاجي دین محمد او د هغه ملګرو وکارول.
جنرال حمیدګل په اسلام اباد کې د امریکا سفیر ته ویلې وو چې په یوه اونۍ کې به جلال اباد ښار مجاهدین ونیسي، مګر ځینو سیاسي مجاهدینو هغه مهال هم ویلي و چې جګړه به ۶ میاشتي دوام کوي.

داچې د ډاکټر نجیب الله د حکومت له خوا د جلال آباد د جګړې قومانده د جنرال افضل لودین په لاس کې وه، جګړه يې وګټله او مجاهدین يې په شا کړل، چې دا د مجاهدینو له پاره تاریخي ماتې ګڼل کیدله او ګڼل کيږي.

ولي مجاهدینو ماتې وخوړه؟

د پاکستان د پيپلز پارټي لوړ پوړو کسانو د بې نظیر بوټو د مور په ګډون په کراچۍ کې د افغانستان کمونسټ پلوه کونسل سره ولیدل او هغه ته يې ډاډ ورکړ چې جګړه مجاهدین نه شي ګټلای. د پيپلز پارټۍ د پاکستان پوځ دننه چې کوم کسان درلودل هغوئ ته يې دنده وسپارله چې د جلال آباد په جګړه کې د مجاهدینو د ناکامۍ له پاره پلان جوړ او هڅې وکړي.

ویل کېږي د پيپلز پارټي او ډاکټر نجیب د حکومت ترمنځ د جلال آباد جګړې اړوند معامله وشوه.
احمدشاه مسعود روسانو ته د سالنګ لاره پرانستې پريښودله، روسانو مهمات، وسلې او غذايي مواد کابل ته او له هغه ځایه د ډاکټر نجیب حکومت وتوانیدی چې په مسلسل او منظم ډول سره وسلې، مهمات او غذايي مواد جلال آباد ښار ته ورسوي.

احمد ضياء مسعود د همدې له پاره چې د جنګ د اوږدوالي عواملو باندي ځان پوه کړي او بیرته احمد شاه مسعود ته راپور یوسي، پېښور کې د جګړې له جریان څخه د باخبره خلکو سره ناستي او مجلسونه درلودل.

د پاکستان پوځیان د جلال آباد جګړې پر مهال پر دوو ډلو وېشل شوي وو، افغان مجاهدینو يوې ډلې ته (لوټه) او بلې ډلې ته (بوتل) ويل.
لوټه پوځیان هغه چې اودسونه او لمونځونه يې کول او د جنرال ضیاء الحق طرفداران وو، او بوتل پوځیان هغه ډله چې بوتل (شراب) يې څښل او د پيپلز پارټي پورې يې تړاو درلود.

په ټوله جنرال افضل لودین وکولای شول چې جګړه د ډاکټر نجیب د حکومت په ګټه او د مجاهدینو په ماتې سره ختمه پای ته ورسوي.
«زغلوونکي» بیا پېښه راوکړه!

هو، اوس ولسمشر غني او اجراییه رييس همدې «زغلوونکي» سره یوه خوله او یوه ژبه کړل. دوی بیا «زغلوونکي» ته پناه یوړه. د لودین غوراوي کې په یقین سره د ده د جلال اباد د «شهکار» رول شته. اوس چې غني په داسې مهال کې دغه وړ یو وزیر ټاکي، ښايي همدا یې هدف وي چې د طالبانو د پرمختګونو د مخنیوي لپاره ښاغلی لودین د پرونيو مجاهدینو پر ضد له خپلو تاکتیکونو او تجربو ګټه پورته کړي.

لودین بیا راغی؛ خو ښايي له بازګشته یې د ولسمشر ډېرې نورې موخې وي، چې وخت به یې راڅرګندې کړي.

ورته لیکنې

ګډون وکړئ
خبرتیا غوښتل د
guest
5 Comments
زړو
نویو ډیرو خوښو شویو
Inline Feedbacks
ټولې تبصرې کتل
حریا شملزۍ

څه مطلب ده کوم سیاست ده چی د ګوډاګی ګډ دولت مهمي څوکی کمونیستانو ته سپارل کیږی چی د هیواد د ټولو غمیزو مو جدین دی داسی انګیرل کیږی لکه ګوډاګي دولت چی خپل فبر پخپله کنې د تیرو کړنو څخه یی همداسی بریښی چی غواړی یوځل بیا ملت یوی ستری جګړي ته وهڅوی
الله دی رحم وکړی

raz mohammed mohmend

پښتو/دري ژبو تبصرې خپروو. اداره

عبدالله

کوم دولت .ګډ دولت اصلا وجود نلری دا دهم دافعانانو کور ودان وی چی ټول له یومخه چور نه شروع کوی. ځکه چی. د ع او غ دخجالت ملی بنډاریانو ۶ میاشتی تیری شوی هیڅ کار او لاسته راوړنه نشته الله د په دی مظلومو افغانانو رحم وکړی. ورځ تر بلی پاشستیه اووطن پلورونکی کمونیستان په دی ګډوله ملی کی ځای پر ځای کیژی او خپله هم دا بی حیا کمونیستان شرم نلری دا پخانی جنایتونه یی هم سترګو ته نه ودریژی چی هغه وخت يی څه وکړل چی اوس به يی وکړی.

محمدداودهجران

داسی ډیرجنرالان دمجاهدینولخوازغلول شوی دی حتی تردی چی دوی له شته ټولوپوځی تجهیزاتوسره ماتی وخوړل ددوی برخلیک به له پخوانه ډیرخراب وی انشاالله اوس خومجاهدینوسره داتومی وسلی نه هم پرمختللی وسلی شته دی چی ناټویی له ماتی سره مخ کړی اوپه تیښته کی دی نوددی جنرالانونه به څه شی لاس ته راشی ددوی اودمملکت خیرپه همدی کی دی چی دمجاهدینووړاندیزونه دسولی په اړه ومنی اواشغال ته دپای ټکی کیږدی ولی دوی خپلی ترخی خاطری بیاژوندی کوی

kadir mohmand

جناب محترم مطمئن صاحب مجاهدین حقیقی همیشه تا آخرین رمق نفس خود از اسلام وطن ناموس عزت شرف دفاع میکنند و در آینده هم خواهند کرد ! منافقین جهاد فروش :‌ مانند سیاف، ربانی غلام بچه های شورای نظار، صبغت مجددی، اسماعیل خان، محقق، خلیلی، عطا و غیره فرار نمودند چون ایمان ندارند . و حالا امریکا/ناتو ۵۰ کشور کمونستان، ملیشا (صلیبی های قراردادی) منافقین جهاد فروش در مقابل مقاومت ملی مجاهدین/طالبان با وجود اینهمه قوت و قدرت نظامی و داشتن برترین تکنولوژی جهان باطرح دهها حمله بازهم به فضل و رحمت الهی دشمنان بزدل روبرو با مقاومت ملی مجاهدین/طالبان… نور لوستل »

Back to top button
5
0
ستاسو نظر مونږ ته دقدر وړ دی، راسره شریک یې کړئx
()
x