افغانستان

کابل او بغلان کې غبرګو چاودنو درې قومندانان وژلي

نن ټکی اسیا (دوشنبه، وري ۱۷مه، ۱۳۹۴ل): د کابل په قره باغ ولسوالي کې د پولیسو په رینجر موټر د سړک د غاړې ماین چاودلی، چې پکې ۷ تنه وژل شوي او دوه نور ټپیان دي.

طالب ویاند ذبیح الله مجاهد وايي چې چاودنه دوی کړې او په خبره يې په چاودنه کې امنیه قومندان او د استخباراتو مدیر له پنځو پولیسو سره وژل شوي دي.

ذبیح الله مجاهد د دې چاودنې تاييد او د امنیه قومندان او استخباراتو د مدير د وژلو خبره پخپله ټویټر پاڼه کړې او نور جزييات يې نه دي ورکړي.

د کابل د قره باغ ولسوالي ولسوال عبدالواسع شریفي هم مني، چې د نظامي کسانو رینجر موټر پر خښ کړل شوي ماین ور برابر شوی او په پایله کې يې ۷ تنه ووژل شول او دوه نور ټپیان دي، چې دمګړۍ تر درملنې لاندې دي.
بل اړخ ته نن تر غرمې وړاندې شاوخوا لس نیمې بجې په مرکزي بغلان ولسوالي کې د سړک د غاړې چاودنې دوه قومندانان او یو د تروریزم مرستیال ووژل.

د طالبانو ویاند ذبیح الله مجاهد پخپله ټویټر پاڼه ليکلي چې چاودنه دوی کړې او پکې يې د  پولیسو د ټولۍ قومندان، د پولیسو قومندان او د تروریز مرستیال وژلي دي.

مجاهد وايي چې دوی په دې چاودنه کې د پولیسو د ټولۍ قومندان ظریف، د پولیسو قومندان لمر او د دې ولایت د تروریزم مرستیال ناصر وژل شوي دي.

د بغلان سیمه ییز چارواکي هم چاودنه مني او هم يې د دریو دولتي مامورینو د وژلو خبر تایید کړی دی، خو نه يې دي ویلي چې وژل شوي څوک او کومې دندې يې درلودې.

د دوی په خبره طالبانو په مرکزي بغلان سیمه کې په یوه پوسته برید وکړ، چې د مرستې لپاره يې نورځواکونه په لاره کې د ماین ښکار شول.

همدارنګه دولتي سرچینې وايي چې په بغلان کې يې د طالبانو د وسلو زېرمتون کشف کړی دی، خو طالب ویاند ذبیح الله مجاهد وايي چې دوی په بغلان کې د وسلو کوم زېرمتون نه لري او په خبره يې دا «پروپاګند» حقیقت نه لري.

ورته لیکنې

ګډون وکړئ
خبرتیا غوښتل د
guest
1 Comment
زړو
نویو ډیرو خوښو شویو
Inline Feedbacks
ټولې تبصرې کتل
rehmat jan

زه داسی فکرنسم کولای پلاردی غل یی موردی غله یی وروردی غل یی خاندان دی غل یی په کلی کی دغلودی اوسی ناسته پاسته دی له غلوسره یی دغلومرسته دی کوی غله دی ساتی اوخپله دی غل نه یی تاسی وگوری دپلارمثال ریس جمهورده هغه موددین ایمان ناموس اوخاوری غل ده مور ریاست اجرائیه ده اجرائیه ریس قاتل خوخوارظالم ده نورنوپسی رازه داسی تول ددی حکومت کارکونکی غله زانیان لوطیان شرابیان قاتلین سره راتول سوی دی اودمملکت دقدرت واگی په لاس ورغلی دی زه فکرنکوم سی لدی خلکودی گیله کول معنی ولری

Back to top button
1
0
ستاسو نظر مونږ ته دقدر وړ دی، راسره شریک یې کړئx
()
x