ددغه منافقانو سره هيڅ ډول دوستي ونه کړئ، او نه به دوئ دوستان ګرزوئ

نويد صهيب

قال الله تعالی: وَدُّوا لَوْ تَكْفُرُونَ كَمَا كَفَرُوا فَتَكُونُونَ سَوَاءً فَلَا تَتَّخِذُوا مِنْهُمْ أَوْلِيَاءَ حَتَّى يُهَاجِرُوا فِي سَبِيلِ اللَّهِ فَإِنْ تَوَلَّوْا فَخُذُوهُمْ وَاقْتُلُوهُمْ حَيْثُ وَجَدْتُمُوهُمْ وَلَا تَتَّخِذُوا مِنْهُمْ وَلِيًّا وَلَا نَصِيرًا [89]

ژباړه : (منافقان غواړي چې تاسو هم ددوئ په څېر شئ ،نوبه سره برابرشئ ، له دوئ څخه دوستان مه نیسئ ،ترڅو
چې دوی دالله تعالی په لاره کې هجرت ونه کړي ، او که چېرته دغه منافقان له دې څخه ډډه وکړي نو ويې وژنئ چې هرچېرته يې مومئ ، اوله دوئ څخه دوستان مه نیسئ اومه ورڅخه مرسته غواړئ .
لنډ تفسېر : په دغه آيتونو کې لوی خدای ج دمنافقانو دشومو اهدافو په هکله مؤمنان متوجه کوي ،چې دغه منافقان چې په ښکاره ځانونه مسلمانان ګڼي ،دوئ هيڅ کله مسلمانان نه دي ، بلکه دوئ په پټه کافران دي ،اوغواړي چې تاسو هم ددوئ په څېرشئ( يعني لکه منافقان چې ددنياوي منافعو لپاره يې په ظاهره ځانونه مسلمانان ګڼل ؛ مګر په پټو کې کافران ؤ ،غواړي چې تاسو هم په خپله بڼه واړوي ).
الله تعالی مؤمنانو ته وايې : تاسوبه کله هم ددغه خلکو سره دوستي نه کوئ اونه به دوئ دوستان ګرزوئ ،ترڅو چې دوئ دکفارو ملګرتيا ایله نه کړي ، اوله تاسو سره دکفارو په وړاندي جهاد ته ولاړ نشي ،يا رښتوني مؤمنان نشي ،
اوکه چېرته دغه کار ونه ونه کړي ، يعني دکفارو ملګرتيا ايله نه کړي ، يا رښتوني مؤمنان نشي نو چې هر چېرې يې ومومئ ويې وژنئ ،اوپه مرګ يې صرفه مه کوئ ،دغه خلك نور دهغو مشرکينو په څېر دي چې سراسر داسلام اومسلمانانو دښمنان دي ،
دآية په پای کې لوی خدای جل جلاله بيا مؤمنانو ته په تاکيد سره دوباره يادونه کوي چې ددغه منافقانو سره هيڅ ډول دوستي ونه کړ ئ ،اونه به دوئ دوستان ګرزوئ ،اونه به له دوئ څخه مرسته غواړئ .