افغانستان

د بلخ ولايت پر څارنوالۍ ډله ييز بريدونه روان دي

نن ټکی اسیا (پنجشنبه، وري ۲۰مه، ۱۳۹۴ل): د بلخ ولايت د څارنوالۍ پر رياست ډله ييز بريدونه روان دي.

د بلخ امنيه قوماندانۍ د امنيت آمر عبدالرازق قادري رسنيو ته وويل، چې نن غرمه دوو بريدګرو لومړی د څارنوالۍ دوه ساتونکي ووژل او له هغې وروسته د څارنوالۍ رياست ته ننوتل.

راپورونه وايي، چې د څارنوالۍ دننه د بريدګرو او امنيتي ځواکونو تر منځ د ډزو تبادله روانه ده او پوليسو سيمه کلابنده کړې ده.

د يو بل راپور له مخې د ملي اردو په يونيفورم کې څلورو وسله والو د څارنوالۍ پر رياست بريد کړی او تر اوسه هم د بريدګرو او امنيتي ځواکونو تر منځ ډزې روانې دي.

د يادونې وړ ده، چې د بلخ والي عطا محمد نور کور د بلخ څارنوالۍ په څو ميترۍ کې دی.

د طالبانو وياند ذبيح الله مجاهد په خپل ټويټر پيغام کې د پېښې مسؤوليت منلی دی، مګر د مرګ ژوبلې په اړه يې څه نه دي ويلي.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x