د برتانویانو څلورمه برخه نفسیاتي مریضان دي

نن ټکی اسیا (جمعه، وري ۲۱مه، ۱۳۹۴ل): په برتانیا کې د وروستیو احصائیاتو په اساس ویل شوي چې ددغه هیواد څلورمه برخه اوسیدونکي په نفسیاتي ناروغیو مبتلا دي.

د نفسیاتي مریضانو سره د تعامل په اړه یو شمېر خیریه موسسې ایجاد شوي، تر څو ددغه مریضانو په اړه په برتانوی ټولنه کې دهغو سره د ښه چلند روحیه تقویه کړي.

دغه خیریه موسسې وايي چې په برتانیا کې د نفسیاتي مریضانو سره سلبي سلوک او ناوړه رویه ددغو ناروغانو مرض نور هم زیاتوي چې له کبله یې ددې پر ځای چې د هغوی نفسیاتي ناروغي یې کمه سي، زیاتیږي.

هغوی وايي چې په برتانوي ټولنه کې د هر لسو نفسیاتي مریضانو څخه اقلا نهه کسانو دوی ته دا منلې چې په ټولنه کې ورسره امتیازي سلوک کیږي، او دوی ته په ښه سترګه نه کتل کیږي.

د ماینډ په نامه د عقلي صحت د ښه والي په خاطر د یوې موسسې څیړونکې وايي چې د یوازیتوب احساس، پر نورو باندي اعتماد نه کول، او د ناروغه دغه شعور چې کله به هم جوړ نه شي، او یا به یې علاج ونه شي، د نفسیاتي ناروغانو ناروغي لا هم زیاتوي.

بايد وویل شي چې په دې وروستیو کې د برتانیا په ځوانانو کې د ځان وژني پيښي هم زیاتي شوي، چې د وروستیو احصائیاتو سره سم په کال ۲۰۱۳ کې یوازي ۶۲۳۳ کسانو ځانونه ووژل، چې اکثریت یې ځوانان دي.

avatar
  ګډون وکړئ  
خبرتیا غوښتل د