ازادي ـ زرمتی

نصرت زرمتی
نه افواه د چا د خولې ده
نه اظهار د شاعرۍ ده
نه هم مدحه د مجاز ده
نه اوصاف د خال او شونډو
+++
ماشومتوب و شاهانه وم
پروانه وم مستانه وم
عجیبه غوندې دوره وه
ورځ له هرڅه نه خوږه وه
+++
ټوله ورځ به ساتیري و
خوندور هر یو مضمون و
کله خاورو کې وې لوبې
کله نښې وې د کاڼو
کله سانګې د آسونو
کله کله پټپټانی
+++
کله کله به بیا ښکار و
د کوچنکو مرغکیو
کله ځالې ورانې کړې
د معصومو چوغکیو
+++
مور به پاک ولمبولم
ویښته غوړ او سترګې تورې
هم به ښکلې زما جامې وې
کله سپیني کله تورې
+++
چې بهر ته به روان شوم
په جامو به مې ډیر خیال و
خو چې ګرمه به شوه لوبه
د جامو به مې بد حال

د نن ټکی اسیا موبایل اپلیکیشن
avatar
  ګډون وکړئ  
خبرتیا غوښتل د