ورزش

۱۹ کلن لوبغاړی د لالیګا ځانګړی ریکاډ پخپل نوم کړ

نن ټکی اسیا (یکشنبه، وري ۲۳مه ۱۳۹۴ل): سانتي مینا ۱۹ کلن لوبغاړی دی چې د سلتاویګو لوبډلې ته لوبه کوي. نوموړی تیره ورځ د رایووایکانو لوبډلې خلاف لوبه کې یو ستر ریکاډ پخپل نوم کړ.

تیره ورځ د سلتاویګو لوبډلې د سانتي مینا غوره او پیاوړی لوبې په مرسته وتوانید خپل سیال رایووایکانو شخصي لوبډلې ته د ۱-۶ په توپیر سره ماتې ورکړي.

۱۹ کلن سانتي مینا د تیرې ورځې په لوبې کې ۴ ګوله سرته ورسول او په دې ډول د لالیګا په تاریخ کې لومړۍ ځوان لوبغاړی شو چې په یو لوبه کې يي ۴ ګوله ترسره کړ.

لږ وخت کیږي چې دغه لوبغاړی د سلتاویګو لوبډلې مشر لوبغاړو سره په رسمي لوبو کې ګډون کوي. نوموړی د دغې لوبډلې یو غیر ثابت لوبغاړی دی چې له چارلز، خواکین لاریوی او نولیتو څخه وروسته د لوبې چانس ورکول کیږي.

سانتي مینا د تیرې ورځې له لوبې وروسته وویل چې هیله لري د سلتاویګو لوبډلې ثابت لوبغاړی شي او هره لوبه کې ورته د لوبیدو چانس ورکړل شي.

نوموړی د دې لوبې په ۲۱مه، ۳۹مه، ۵۰مه او ۵۵مه دقیقو کې ګولونه سرته رسولي.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x