هغه ماشوم چې په اجتماعي رسنیو کې د «لایک» ترلاسه کولو قرباني شو

امريکایۍ ښځې د «لایک» ترلاسه کولو لپاره خپل ماشوم وژلی

نن ټکی اسیا (سه شنبه، وري ۲۴مه ۱۳۹۴ل): یوې امریکايۍ ښځې اجتماعي رسنیو کې د خلکو توجه جلبولو او «لایک» ترلاسه کولو لپار خپل پنځه کلن ماشوم وژلی.

که څه هم په نړۍ کې مور د ریښتونې مینې او محبت هینداره ګڼل کیږي خو کله نا کله داسې پیښې هم را منځ ته کیږي چې انسان ته د منلو وړ نه وي. په دې وروستیو کې ډیرې داسې پیښې لیدل شوي کوم کې چې ټکنالوژي د پیښې اصلي لامل او په جرم کې شریک وي.

دغه امریکایۍ ښځې د نیویارک ښار حومه نومې سیمې اوسیدونکې وه او د مور په اړه ویب بلاګ چلولو مسؤلیت يي په غاړه درلوده. دغې ښځې خپل ماشوم ته د مالګې پیچکارۍ له امله د دوهمې درجې قاتل وپیژندل شوه او د محکمې لخوا په ۲۰ کالو قید محکومه شوه.

دغې ښځې غوښتل خپل ماشوم له ناروغۍ څخه په اجتماعي رسنیو کې د خلکو د توجه جلبولو لپاره استفاده وکړي چې له همدې امله يي خپل ماشوم ته د مالګې پیچکارۍ کولې.

دغه ښځه «لسي اسپیرز» نومیږي او ۲۷ کاله عمر لري. له څه مودې راهیسې نوموړی خپل د پنځه کلن ماشوم د ناروغۍ په اړه په اجتماعي رسنیو او د مور په اړه جوړ شوی ویب بلاګ کې لیکنې کولې.

وروستۍ ځل لپاره دغې میرمنې لیکلی وو:« ګارنت، زما د زړه سر ۲۳م ځل دی چې روغتون ته ځي. خدای دې وکړي چې کار مو ژر ختم شي چې خپل کور ته ستانه شو…»

دورین لیوید د دغې قضيي وکیل وویل:« ګارنت یو نورمال او روغ ماشوم و چې مور يي په قصدي ډول نوموړی په ځینو ناروغیو اخته کړی و. د ګارنت مور خپل ماشوم ته د مالګې پیچکارۍ کولو سره د نوموړی د مرګ لامل ګرځیدلی. د ګارنت مور د دې ټولو مرحلو عکسونه اخیستي او فیسبوک کې يي اچولې. دغې ښځې کوښښ کاوه چې خپل ماشوم ناروغ وښيي او په دې ډول يي د خلکو توجه جلبوله.»

په پای کې قاضي دغه میرمن یو رواني مریضه وبلله او وویل:« ستا جرم او جنایت په نړۍ کې مثال نه لري. څنګه یوه مور کولی شي له خپل ماشوم سره داسې غیر عادلانه او غیر انساني چلند وکړي.»

avatar
1 د تبصرو شمېر
0 د ځوابونو شمېر
0 ار ایس ایس کې ګډونوال - څارونکي
 
ډېر غبرګون شوې تبصره
تر ټولو ګرمه موضوع
  ګډون وکړئ  
نویو زړو ډیرو خوښو شویو
خبرتیا غوښتل د
Hameed
میلمه
Hameed

هر هغه څوک چی که هغه تش په نامه مسلمان او یا غیر مسلمان وی د اسلام او اسلامی احکامو منلو ته کوم چی د سالم انسانی فطرت، اخلاقو او معنویت مطابق دینی احکام دی ځکه منشه یی الله عزوجل د انسان خالق دی شا کړی نو امکان دی داسی نابلده او غیرانسانی کړنو ترینه څه نادره خبره نه ده بلکه هر وخت یی ترینه د وقوع فیصدی ډیره لوړه ده همدا وجه ده چی الله(ج) د انسانانو د هدایت لپاره په پخوا زمانو کی نور پیغمبران او په آخر کی خاتم النبین حضرت محمد مصطفی (ص) سره له کتاب… نور لوستل »