نړۍ

د پاکستان ملتپال سياستوال او پخوانی وزير، اعظم خان هوتي ومړ

نن ټکی اسیا (چهار شنبه، وري۲۶مه، ۱۳۹۴ل): د پاکستان عوامي نېشنل ګوند پخوانی مشر غړی او د خيبر پښتونخوا د پخواني اعلی وزير امير حيدرخان هوتي پلار د اوږدې ناروغۍ وروسته نن سهار پېښور کې ومړ.

اعظم خان هوتي له ډېرې مودې د مرۍ په سرطان اخته و.

اعظم خان هوتي د پخواني اعلی وزير حيدر هوتي پلار او د عوامي نېشنل ګوند د مشر اسفنديار ولي خان ماما و.

نوموړی ۱۹۹۲ او ۲۰۱۲ز کالونو کې دوه ځله د پاکستان د مشرانو جرګې غړی او د فدارلي حکومت د وزير په توګه هم دنده ترسره کړې.

اعظم خان هوتي ټول عمر د عوامي نېشنل ګوند مرکزي لارښود پاتې شوی و، مګر د تېرو درې کالو راهيسې يې د ګوند مشر اسفنديار ولي خان، خپل زوی امير حيدر هوتي او ځينو نورو ګوندي مشرانو سره د اختلافاتو له امله دغه ګوند پرېښئ و او دا تېر درې کاله د کورنيو اختلافاتو له امله له خپلې نوې ښځې سره په پېښور کې اوسېده.

د اعظم خان هوتي جنازه به نن ماذديګر څلور بجې د خيبر پښتونخوا مردان ولسوالۍ کې ادا کېږي.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
ستاسو نظر مونږ ته دقدر وړ دی، راسره شریک یې کړئx
()
x