د قرانکريم تر ټولو لرغونې نسخه د برلين په دولتي کتابتون کې

نن ټکی اسیا (چهارشنبه، غويي ۲مه، ۱۳۹۴ل): مکې مکرمې، مدينې منورې او د اسلامي خلافت له مرکزه زرګونو کيلومتره لرې د قرانکريم تر ټولو پخوانۍ نسخه د برلين په دولتي کتابتون کې پرته ده.

د فرانسې او المان د تاريخي توکو د څېړنو اداره وايي، چې د دغې قراني نسخې عمر د هجرت د اولو وختونو دی.

د سوييس د تاريخي څېړنو يوه اداره وايي، چې د قرانکريم تر ټولو پخوانۍ نسخه، چې د هجرت او دوهم کال کې ليکل شوې، د المان پلازمېنه برلين کې په يو دولتي کتابتون کې پرته ده.

د برلين دولتي کتابتون وايي، چې د سويس د څېړنيز مرکز له قوله د قرانکريم دغه نسخه تر ټولو تاريخي او پخوانۍ کلتوري زېرمه ده او هېڅوک يې بيه نه شي پوره کولای.

ويل کيږي، چې د برلين دغه کتابتون د اروپا يو ستر څېړنيز مرکز بلل کيږی او تر څنګ يې په لويه کچه اسلامي مخطوطات او تاريخي کتابونه موجود دي.

په زيورخ کې د سويس اتحادي څېړنيز مرکز په خپلو وروستيو څېړنو کې وايي، چې د برلين په کتابتون کې دغه قراني نسخه د تر ټولو پخوانۍ ده او د ۶۰۶-۶۵۲ زېږيز کلونو تر منځ ليکل شوې ده.

د سويس څېړنيز مرکز وايي د مخطوطاتو د څېړنو او په «سي۱۴»کاربون له معاينې وروسته دې پايلو ته رسيدلي، چې د قرانکريم دغه نسخه د حضرت محمد صلی الله عليه د ژوند د وروستيو او يا هم د پيغمبر عليه السلام له وفاته شاوخوا شل کاله وروسته ليکل شوې ده.

دغه نسخې، چې د النساء او المائدة سورتونو اياتونه پرې ليکل شوي د حيواناتو پر پوستکي کښل شوي او تاريخي اثارو نښې نښانې ترې معلوميږي.

د الجزيرې خبريال ته د دغو نسخو د انځور اخيستو اجازه ورکړای شوې، مګر په دې شرط د کامرې رڼا به پرې نه کاروي.

د برلين کتابتون د شرقي مخطوطاتو د څېړنو مسؤول کريسټوف راوخ وايي، چې د سوي څېړنيز مرکز پرېکړه له ډېرو څېړنو وروسته شوې او پايلې يې دا راوتې، چې د قرانکريم دغه نسخه تر ټولو پخوانۍ نسخه ده.

 

راوخ زياتوي، چې د قراني تاریخي نسخو او ليکنو دغه څېړنې د سويس – المان اکاډيمي د المان او فرانسې په مالي ملاتړ تر سره کيړي دي.

په دغو پاڼو کې د النساء سورت اياتونه ليکل شوي

په دغو پاڼو کې د النساء سورت اياتونه ليکل شوي

د راوخ په وينا د دې څېړنيز مرکز کارکوونکي د ګڼو هېوادونو ميوزيمونو، ارشيفونو او ملي کتابتونو ته ورځي او د قرانکريم تاريخي نسخې او په لاس شوي ترې پاڼې يې راټولوي.

د ختيځ پوهانو ميراث

د برلين دولتي کتابتون مسؤولين وايي، چې دوی دغه تاريخي نسخې ۱۹۴۰ز کال کې له بيرنهارد موريس ختيځ پوه څخه اخيستي، چې ۱۸۹۶-۱۹۱۱ز کلونو کې يې د مصر خيدوي حکومت د واکمنۍ پر مهال يې د مصر د تاريخي کتابونو او اسنادو د څېړنو په مرکز کې کار کړی و.

د کتابتون مسؤولين وايي، چې د قرانکريم تر ټولو پخوانۍ يوه بله نسخه يې له مستشرق جود فريد فيتشتاين څخه اخيستې، چې ۱۸۴۶-۱۸۶۱ز کال پورې دمشق کې د المان قونصل و.

فيتشتاين وايي، چې د ۲۱۰ پاڼو دغه نسخه د اموي مسجد په بام پرته وه او ده راواخيسته او ځان سره يې وساتله.

فيتشتاين وايي، چې د ۲۱۰ پاڼو دغه نسخه د اموي مسجد په بام پرته وه او ده راواخيسته او ځان سره يې وساتله.

فيتشتاين وايي، چې د ۲۱۰ پاڼو دغه نسخه د اموي مسجد په بام پرته وه او ده راواخيسته او ځان سره يې وساتله.

د سويس دغه څېړنيز مرکز وايي، چې د برلين په دولتي کتابتون کې د قرانکريم ۴۶ تاريخي نسخې پرتې دي او ټولې يې د هجرت د اولې پېړۍ د اخري کالونو دي.

سرچينه: الجزيرة.نت

avatar
  ګډون وکړئ  
خبرتیا غوښتل د