شعـــــرونه

ځينې ځان ځينې جهان جوړوي

ګورم جهان کې څوک کعبه ځنې بوتان جوړوي
غلطه پوهه له سړي ځنې شيطان جوړوي

د سړو کار دی چې د خپل وطن کارونه کړي جوړ
نجونه او پېغلې سينګارونه کوي ځان جوړوي

تهذيب ضرور دی نظافت او ښه لباس دی په کار
فېشن چې زيات شي له ځلمو بازينګران جوړوي

د ودانۍ اميد له هر چانه کېدلی نشي
له خاورو ګټو ښه کورونه معماران جوړوي

چې انساني رڼا پيدا شي په مغزو کې د چا
هغه کوښښ کړي په عالم کې انسانان جوړوي

ډېر تفاوت شته په انسان کې د معنا په لحاظ
واړه مشغول دي ځينې ځان ځينې جهان جوړوي

ګل پاچا الفت

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
ستاسو نظر مونږ ته دقدر وړ دی، راسره شریک یې کړئx
()
x