شعـــــرونه

احمد شاه به دغه ستا قدر هير نه کا

ستا د عشق له وينو ډک سوه ځېګرونه
ستا په لاره کې بايلي زلمي سرونه

تا ته راسمه زړګی زما فارغ سي
بې له تا مې انديښنې د زړه مارونه

که هر څو مې د دنيا ملکونه ډير سي
زما به هېر نسي دا ستا ښکلي باغونه

د ډهلي تخت هيرومه چې را ياد کړم
زما د ښکلي پښتونخوا د غرو سرونه

د رقيب د ژوند متاع به تار په تار کړم
چې په تورو پښتانه کا ګوزارونه

د فريد او د حميد دور به بيا سي
چې زه کاندم پر هر لوري تاختونه

که تمامه دنيا يو خوا ته بل خوا يې
زما خو خوښ دي ستا خالي تش ډګرونه

احمد شاه به دغه ستا قدر هير نه کا
که ونيسي د تمام جهان ملکونه

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
ستاسو نظر مونږ ته دقدر وړ دی، راسره شریک یې کړئx
()
x