د رحمت زلفې خورې وې د کسرا مانۍ کږې وې

اسمانونو کې خن‍دا وه د ملکو خولې خوږې وې

اي رحمان رحيمه ستا ذات يوه نوې فيصـله کړه

د ثواب او عذابونو له بشر سره وعــــــــــدې وې

ابليـــــــس خاورې بادولې په بچيانو يې شيندلې

د بُتانو کـوچ روان وو ، د رحيل لوړې نعرې وې

د عرفان سيلۍ په ورو ورو ، نوي يون ته تياری کړ

جهل تللو ته چمتو وو د وحشت سلګۍ سړې وې

د قانــــــــــون خړه څېره بيا په خندا وه ځلېدله

د نفسي امارت څلي نړېدل وروستۍ شېبې وې

د د هشت په نړۍ دغه سباوون راشـــده څه وو ؟

ولادت د محمــد (ص) وو ، د ځلانده لمر شُعلې وې

——-

راشد