افغانستان

کنړ کې دوه ښوونکي وژل شوي

نن ټکی اسیا (پنجشنبه، غويي۱مه ۱۳۹۴ل): د هېواد په ختیځ ولایت کونړ کې ناڅرګندو وسله‌والو ۲ ښوونکي وژلي دي.

د کنر ولایت امنیه قومندان مل پاسوال عبدالحبیب سیدخیل وايي چې دغه ښوونکي نن شاوخوا ۱۱ بجې د دانګام ولسوالۍ په بیداد سیمه کې وژل شوي دي.

هغه ددغو ښوونکو د وژنې پړه پر طالبانو ور اچولې او په وینا یې طالبان نن دغه سیمې ته داخل شوي او دوه ښوونکي یې وژلي دي.

امنیتي چارواکو د ولسي وګړو د وژنې مسوولیت زیاتره په طالبانو ور اچوي.

تر دې دمه د ښوونکو د وژل کېدو انګیزه معلومه نه ده او نه هم طالبانو په دې اړه څه ویلي.

طالبانو په اړه ویل کیږي چې ښوونکو او روغتیايي کارکوونکو ته څه نه وايي او د دوی تر واک لاندې سیمو کې یې سلګونه ښوونځي فعال دي.

د بیداد سیمه غرییزه ده او د دانګام ولسوالۍ په دوه کیلومترۍ کې پرته ده.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x