سیاف: د مجاهدینو دښمنان د هیواد دښمنان دي
نن ټکی اسیا (شنبه، غويي۱۲مه ۱۳۹۴ل): د روسي استعمار پر مهال یو جهادي مشر «عبد رب الرسول سیاف» یو ځل بیا د شوروي یرغل پر خلاف خپل کړی جهاد ستایلی او له خلکو یې غوښتنه کړې چې د ده درویشت کاله پخوانۍ جهادي ستړیا هېره نه کړي.
سیاف نن په ارګ کې د غويي د اتمې په مناسبت جوړې شوې غونډې ته د وینا پر مهال د ګډ حکومت په مشرانو غږ وکړ چې باید د هغو خلکو درناوی وکړي چې د افغانستان په جهاد کې يې قرباني ورکړې او وینې يې تویې کړي.
پروفیسر سیاف زیاته کړه چې افغان ولس د شلمې پیړۍ په شروع او اخیر کې دوه ځله د یرغلګرو پر ضد مقابله کړې او نړۍ يې د انګریز او روسانو د استعمار له ګواښ څخه ژغورلې. خو د یو ویشتمې پیړۍ د امریکايي یرغل په اړه یې هیڅ راز څرګندونې ونه کړې.
سیاف، چې خپلې خبرې یې په شرعي نصوصو بدرګه کولې، ځان ته په اشارې وویل چې «له مجاهد سره دښمني له اسلام سره دښمني ده». نوموړی د خپل اوسني موقف د برائت لپاره تل په خپلو څرګندونو کې ایتونه او احادیث استعمالوي.
پروفیسر سیاف هغه کسان چې د ده پر موقفونو نیوکې کوي د افغانستان دښمنان وبلل او زیاته یې کړه چې «مجاهدین د القاعده، داعش او نورو دښمنانو ژامې ورماتوي نو ځکه د هیواد دښمنان د دوی پر ضد تخریب کوي».
هېره دې نه وي چې سیاف د شوروي یرغل پر مهال د القاعده له وګړو سره اوږه په اوږه جنګېد، او د اتحاد اسلامي په نامه یې یو جهادي ګوند رهبري کاوه، کوم چې د القاعده د پخواني مشر (اسامه بن لادن) او «عبد الله عزام» په پراخو مالي مرستو تاسیس شوی وه.
د روسانو له شکست او کمونستي رژیم له ړنګیدو وروسته پروفیسر سیاف له القاعده تنظیم سره لارې جدا کړې، هغه یې یوه ترهګره ډله وبلله خو ځان ته لا هم د «مجاهدینو» خطاب کوي.
له تېرو پنځلسو کالو راهیسې، چې امریکا په افغانستان پوځي یرغل کړی سیاف په نږدې هره وینا کې د خپل پخواني جهاد په ستاینې ټینګار کړی او له افغان ولس څخه غواړي چې دی د یو جهادی مشر په توګه وپیژني.
د کتونکو په باور، د روسانو له شکست وروسته په تنظیمي جګړو کې د سیاف ښکیلتیا او له امریکايي یرغل څخه یې سرسخت ملاتړ د دې لامل ګرځیدلی چې په اسلامي نړۍ او خصوصا افغان ولس کې د نوموړي ټولنیز مقام کلکه ضربه وویني، نو د دغه حیثیت د اعادې لپاره نوموړي ته د روسانو پر خلاف د جهاد د پخوانیو کیسو له تکرار پرته نور څه ورپاتې نه دي.
که څه هم سیاف له خلکو غوښتنه کوي چې د روسانو پر وړاندې د جهاد له کبله د نوموړي ستاینه وکړي، خو د سیاسي چارو شننونکی او لیکوال «وحیده مژده» د پخواني جهاد پر مهال د سیاف په مبارزې او اوسنیو توندو څرګندونو شک څرګندوي او نوموړی د سعودي، پاکستان او امریکا د استخباراتي شبکو د خدمت پوروړی بولي.
ای کاشکي ده شرم اوحیا درلودای ، اوس هم هغه دروسانو چچیان چې ده یې په مقابل کې دامریکا په حکم جهاد کړی ؤ امریکایانو دده په سرکښېنول او دی یې په ډېره بې شرمي سره مني ،
سیاف پی جهادنوم نه بدنامه وی ده نه پخواه جهادکریده اونه اوس جهادورته ارزشت لری پخواه هم ده دقدرت لپاره جنگ کریده اواوس هم دقدرت دترلاسه کولولپاره هلی زلی کوی جهاددهریرغلگرپه وراندی فرض عین ده هغه روسان وو که انگریزان وو اوکه ناتوده خودی (سیاف))ناتوخیل دبین ملل په حکم راغلی مستأمینین گنی نوپدی سره نوموری له اسلامه وتلی ده نوموری دی له سره نکاح وکری اومسلمان دی سی کنه کاریی ترنیمایی دیرخراب ده
که ددی ظالم په هکله هر څه ووایم زړه به می یخ نشی مګر بد به ښکاره شم خو هغه کومه جفا چی ده داسلام وطن او جهاد سره کړی الله ربالجلیل دی دی په دنیا کی وشرموی او اخرت کی یی دمصر دفرعون نږدی ګاوڼدی کړی چی ابدی ځای یی جهنم وی امین امین ۰۰۰۰۰۰۰۰۰۰۰
دی خلکو ته نور له پف نه بغیر څه نه دی پاتی او نه خلک نور ددوی پدی خبرو تیروزی او ژامی به انشالله د کفارو او دهغوی د غلامانو ماتیږی انشالله
ته ورته وایه د سیاف دشمنان د شیطان دشمنان دی او د حق لار ویان د سیاف مخالفین دی
زه نه پوهیژم زمونږ ملاصاحبان ولې د سیاف باره کې له احتیاط څخه کار اخلي په داسې حال کې چې سیاف له خپل زایل شوي ایمان سره پوره بی باکی او بی احتیاطی کوي.
مونږ اوس هم داسی خلک ډیر لرو چی د سیاف په تحریف امیزه خبرو باندې بازي خوري، پکار ده زمونږ دیني عالمان د سیاف په اړه د عامو خلکو اذهان روښانه او د هغه د اسلام یا کفر څیره خلکو ته په استدلال/فتوی سره واضح کړي.
خیر دی ورونه دی ددی شلمی پیړی له مشهور جهادی مشر (غل) څخه مه خفه کیږی ځکه دا د جهاد زړی کیسی خو دده او ددبیوزله (خونخوارو) بچیانو لپاره کیمیا بوټی دی ځکه دا جناب خو یو وخت په ۹۹.۹۹۹۹۹۹۹۹ ٪ اسلامی حکومت نه رازی کیده.
خو نه پوهیږم چه اوس دا محترم پدی مړه دیموکراسی کښی چه دده په اند ۱۰۰ په ۱۰۰ اسلامی او مخالیفین یی با غیان دی ولی په غوسه دی چه ارګ یی د بانډی د بدماش غوندی په غړمبا راغستی دی.
تاخلقی وژل چه دروسی ملدی = نن دکفرضد ته تروریستان وایی +تادروس پرضد جنګ ته جهاد ویل =نن غربی کافروته دوستان وایی +دومره بی ایمان اوبی همت چه سوی = ورک سه ځانته ځنګه حرافغان وایی + ته چه فدایان انتحاریان بولی = تاته احساس ځکه لوی شیطان وایی.
درنو وروڼو ته ووایم چې خپل زړونه مه خورئ. سیاف چې کله بیګا شپه په خبرو لګیا شو د مبارک قرآني آیت څخه یې په خپل ځان لعنت ویل پیل کړل. ما دهغه یوه رساله لوستې چې د جهاد د ګرمو سنګرونو پر مهال یې لیکلې وه او په هغه کې یې د نورو عربو او عجمو مجاهدینو وروڼو د پلوۍ پر ټینګار داهم ویلي وو: که تاسې ولید چې سیاف د کفري نظام لاندې ژوند پیل کړ نو پوه شئ چې هغه به له دوه حالتونو څخه خالي نه وي: ۱- یاداچې زه به لیونی شوی یم ۲- یاداچې… نور لوستل »