دنيا دار كه مستغني په سيم وزر دي

شعر
دنيا دار كه مستغني په سيم وزر دي
هنرمندو سره ګنج دخپل هنردي

بيهوده به زورور  وځان ته وايي
د دنيا سړي كه هر څو زورور دي

هسي مه وايه چي زه يم په جهان كي
پيدا كړي خداي د سر له پاسه سر دي

ځيني ځيني يي وليان پيغمبران كړل
نه چي هر سړي ولي او پيغمبر دي

كه د عمر و رفتن ته څوك نظر كړي
دابه وايي چي افتاب د ماځيګر دي

چي يي سر په ځمكه اښي وي ويار ته
په اسمان باندي ختلي لكه لمردي

درياخرقه خداي مه كړه ورپه غاړه
رحمان كوژدستار تړلي قلندر دي

(رحمان بابا)