روغتیا

څيړنه: که غواړئ یوازې ۶۰ ثانیو کې په ژور خوب ویده شئ

نن ټکی اسیا (پنجشنبه، غويي ۱۷مه ۱۳۹۴ل): د نړۍ زیات شمیر خلک د خوب له کموالي کړیږي چې د هغوي له جملې څخه زیات شمیر کسان بیا د خوب مختلفې ګولۍ استعمالوي تر څو وکولی شي ارامه خوب ولري.

روغتیايي کارپوهانو د خوب مختلف درمل د بدن مختلفو برخو ته خطرناک ګڼي او د خوب لپاره يي داسې یوه طریقه معرفي کړی چې په مرسته به يي انسان په ۶۰ ثانیو کې دننه په ارامه او ژور خوب ویده شي.

امریکايي ساینسپوهانو ویلي چې د دوي دغې نوی طریقې په مرسته انسان په ۶۰ ثانیو کې په ژور خوب ویده کیده شي چې له دې سره به انسان د خوب مختلفو درملو ته هم اړتیا نه لري.

ساینسپوهانو د ویده کیدو دغه طریقه د ۴، ۷ او ۸ ساه یا نفس تمرین نومولی کوم چې د انسان عصبي سیسټم لپاره د تسکین د غوره ګولۍ رول لوبوي په داسې حال کې چې دغې تمرین کې هیڅ ډول اوزارو ته هم اړتیا نه لیدل کیږي.

د ساینسپوهانو په وینا د دغې تمرین په پیل کې د خولې په واسطه یو مکمل ساه له پیاوړي اواز سره خارج کړئ، په دوهمه مرحله کې خوله بنده کړئ او ورو ورو د پزې په مرسته ساه واخلئ او په ذهن کې تر څلورو پورې حساب وکړئ له دې وروسته خپل ساه بنده کړئ او تر ۷ پورې حساب وکړئ او دغه اندازه وخت پوره کولو وروسته بیا پوره ساه خارج کړئ او بیا هم له ساه خارجولو سره پیاوړی اواز وباسئ.

د کارپوهانو په وینا دغه طریقه کې باید پام وشي چې هوا د پزې له لارې ورو واخیستل شي او د خولې له لارې له پیاوړی او اوچت اواز سره خارج شي. په دغه ټوله طریقه کې د ژبې د څوکې موقعیت ته باید تغیر ورنکړل شي او دغه عمل درې ځلي تکرار شي.

د ساینسپوهانو په وینا دغه طریقه د هندوستان پخواني طریقه «پرانایاما» څخه اخیستل شوې. د دغې طریقې په مرسته سږې په پوره ډول له هوا څخه ډکیږي چې په مرسته يي انسان د سکون او ارامۍ احساس کوي او په ارامه او ژور خوب ویده کیږي.

د امریکايي ساینسپوهانو په وینا خلک یوازې څو اونیو کې په دغه طریقه کې ځانګړی مهارت حاصلوي او یوازې یوه دقیقه کې په ژور او ارام خوب ویده کيږي.

ورته لیکنې

ګډون وکړئ
خبرتیا غوښتل د
guest
1 Comment
زړو
نویو ډیرو خوښو شویو
Inline Feedbacks
ټولې تبصرې کتل
عمرمهاجر

ډیره مننه کوو ستاسودصحی معلوماتوڅخه ډیرپه زړه پورې دي رښتیاهم چی دانسان دصحت دپاره ځینی خوراکی شیان تاوانی اوځینی ګټوردی اوهمدارنګه ورزش دانسان په صحت کښې مهم رول لري خوداچې زمونږ ټولنه یوه ډیره وروسته پاتې ټولنه ده اودډیروکړاونوسره لاس اوګریوان ده نویوی داسې ټولنی ته صحی معلومات رسول ډیرګټورکاردی هیله ده چې په دې اړه لازیات معلومات خپاره کړئ مننه

Back to top button
1
0
Would love your thoughts, please comment.x
()
x