ورزش

کرکټ بورډ کلنی او بودیجوي پلان منظور کړ

نن ټکی اسیا (پنجشنبه، غويي ۱۷مه ۱۳۹۴ل): د افغانستان کرکټ بورډ غړو په کلنۍ غونډه کې د را روان کال کلنی او بودیجوي پلان منظور کړ.

د کرکټ بورډ خبرپاڼه وايي چې په کلنۍ غونډه کې د کرکټ بورډ غړو هر یو  مالیې وزیر اکلیل حکیمي، د ښار جوړونې وزیر سید سادات منصور نادري، د ولسمشر حقوقي سلاکار محمد علي محمدي، د بهرنیو چارو وزارت سیاسي معین حکمت خلیل کرزي، د چارو ادارې د اړیکو او عامه پوهاوي ریاست مرستیال فریدون الهام، ملي سوداګر سید سلمان سادات، د دنیا پوهنتون رئیس احمدشاه سنګدل، د کرکټ بورډ عمومي رئیس نسیم الله دانش او د الکوزي شرکت استازي میرویس سیال ونډه درلودله. سربیره پردې، په غونډه کې د کرکټ بورډ اجراییوي رئیس شفیق الله ستانکزي هم ګډون درلود.

د خبرپاڼې له مخې د کرکټ بورډ اجراییوي رئیس شفیق الله ستانکزي د بورډ غړو ته په افغانستان کې د کرکټ تاریخچه او د کرکټ بورډ کاري او بودیجوي پلانونه د پریزنټیشن په ترڅ کې وړاندې کړل.

ستانکزي د بورډ له غړو څخه د کرکټ بورډ ادارې سره د همیشنیو همکاریو غوښته وکړه او د بورډ د غړو په توګه یې ددوی مسئولیت د کرکټ بورډ له مشرتابه سره د سترو پلانونو په تصویبولو کې حیاتي وباله.

د غونډې په ترڅ کې د کرکټ بورډ کلني او بودیجوي پلان منظورۍ سربیره د بورډ ټولو غړو لخوا له دغې ادارې سره د هر راز مرستو ژمنه وشوه.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x