نړۍ

پاکستان: چورلکه په ماشین کې د خرابۍ له کبله غورځېدلې

نن ټکی اسیا (جمعه، غويي ۱۸مه ۱۳۹۴ل): پاکستاني لوړ پوړي چارواکي وايي چې د ګلګت بلتستان په نلتر سیمه کې چورلکه د ماشین د خرابۍ له کبله غورځېدلې.

د پاکستان د بهرنیو چارو وزارت سکرتر اعزاز چودري رسنیو سره د خبرو پر مهال ویلي چې په ټولییزه توګه ۴ هلیکوپتر روان وو چې له منځه يې یو غورځېدلی دی.

هغه زیاته کړې چې ۳۰ ديپلوماتانو عامه دوره وه او ددغو لیدنو موخه د پاکستان سره د ديپلوماتانو بلدول دي.

Pakistan Helicopter Crash
د ګلګت بلتستان په نلتر سیمه کې د پوځ د چورلکې د غورځېدو له کبله ۲ سفیرانو او ۲ پيلوټانو په شمول ۷ کسان ووژل شول.

د ګلګت بلتستان په نلتر سیمه کې د پوځ د چورلکې د غورځېدو له کبله ۲ سفیرانو او ۲ پيلوټانو په شمول ۷ کسان ووژل شول.

په وژل شوو کسان کې د فليپین او ناروی سفیران، د مالیزیا او اندونیزیا د سفیرانو مېرمنې او ۲ پیلوټان شامل دي.

رویټرز خبرې اژانس وايي چې په پېښه کې ۹ کسان وژل شوي او چورلکه په یوه ښوونځي غورځېدلې خو ښوونځي کې له دې کبله چاته تلفات نه دي اوښتي چې نن رخصت ورکړل شوی و.

د چورلکې د غورځونې مسوولیت پاکستاني طالبانو پر غاړه اخېستی او ادعا يې کړې چې چورلکه یې د الوتکو ضد مزایل پر مټ ویشتې او هدف یې لومړی وزیر نوازشریف و.

دغه لوړ پوړي پاکستاني چارواکي ویلي چې په چورلکه کې ۱۹ کسان سپاره و چې له منځه یې ۷ وژل شوي او ۱۲ نور ټپیان دي.

هغه زیاته کړې چې د اندونیزیا د سفیر حالت نازک دی او د بدن ۷۵ سلنه برخه یې سوځېدلې ده.

اعزاز چودري د پاکستاني طالبانو ادعا رد کړې او په وینا یې د پېښې سره د «ترهګرۍ هېڅ اړیکه نشته دی».

د راپورونو له مخې د چورلکې د غورځېدو له کبله د پولینډ او هالینډ سفیران هم ټپيان شوي دي.

د ګلګت بلتستان ایالت د کورنیو چارو وزیر ویلي چې د چورلکې د غورځېدو له کبله د وژل شوو کسانو جسدونه سوځېدلي او د سوځېدلو کسانو پېژندل ستونزمن شوي دي.

پاکستاني رسنیو ویلي چې لومړي وزیر نوازشریف غوښتل په ګلګت کې ۲ سترې پروژې پرانیزي او په همدې مناسبت یې د بېلابېلو هیوادونو سفیرانو او سوداګرو ته د ګډون بلنه ورکړې وه، چې د پاکستاني پوځ په چورلکو کې سیمې ته لېږدول کېدل.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
ستاسو نظر مونږ ته دقدر وړ دی، راسره شریک یې کړئx
()
x