افغانستان

د پکتيا د استيناف رييس کابل کې ووژل شو

نن ټکی اسیا (جمعه، غويي۲۵مه ۱۳۹۴ل): د پکتيا ولايت د استيناف محکمې رييس نجيب الله سلطان زوی تېره شپه کابل کې ووژل شو.

وژل شوی سلطان زوی د پکتيا د استيناف محکمې رييس او د ميدان وردګو اوسيدونکی و، چې تېره د کابل زړه کې خپل کور کې د ناڅرګندو وسله والو له لوري ووژل شو.

د پکتيا والي او د حزب اسلامي د يو والي شوراګانو رييس جنرال جمعه خال همدرد د سلطان زوی وژنه تاييدوي او د ده مرګ د پکتيا ولايت او په ټوله کې د افغانستان لويې څارنوالۍ ته ستره ضايع بولي.

د سلطان زوی کورنۍ هم د نوموړي وژنه منلې او اعلان يې کړی، چې جنازه به يې نن د جمعې په ورځ د ميدان وردګو ولايت مرکز کريم خان تالار کې تر سره کيږي.

د طالبانو وياند ذبيح الله مجاهد په خپل ټويټر پيغام کې د نجيب الله سلطان زوی د وژنې مسؤوليت منلی او زياته کړې يې ده، چې نوموړی د کابل ښار نيازبیک سيمه کې وژل شوی دی.

د ذبيح الله مجاهد په وينا وژل شوی سلطان زوی د پکتيا د استيناف رييس و او په سيمه په سخت ظلم او وحشت پيژندل کېده.

بايد وويل شي، چې طالبانو د خپلو پسرلنيو عملياتو په ترڅ کې پلازمېنه کابل او د هېواد په لر و بر کې خپل بريدونه او چاودنې زياتې کړي او تر څنګ يې د حکومتي مسؤولينو مرموزې وژنې هم زياتې شوي دي.

ورته لیکنې

ګډون وکړئ
خبرتیا غوښتل د
guest
1 Comment
زړو
نویو ډیرو خوښو شویو
Inline Feedbacks
ټولې تبصرې کتل
الحاج استاذ بیانزی

د دی اداری هر غړی ته به د مرګ سزا خامخا اوریدل کیدله او لا به واورول شی ، دا به ضرور د طالبانو له خوا وی ، لا به د خپل منځی مادی رقابتونو له مخی او کله به یی د بادارانو له خوا هم شی . دا د څو ډالرو د پاره د الله ج سره د مقابلی تحفه ده چه له امله یی دی دی شرمیدلو مرګونو او ربړونو سره مخ کیږی څوک یی مخه نیولی نه شی . د ځنکدن وخت کی توبه نه قبلیږی چه جبران یی وکړی . په دی بدبخته اداره کی ځینو… نور لوستل »

Back to top button
1
0
Would love your thoughts, please comment.x
()
x