کابل پوهنتون کې چاودنه شوې

نن ټکی اسیا (شنبه، غويي ۲۶مه ۱۳۹۴ل): شېبه وړاندې مو خبر ترلاسه کړ چې د کابل پوهنتون په انګړ کې د  ساینس پوهنځي ودانۍ ته څېرمه چاودنه شوې.

عیني شاهدان وايي چې په چاودنه کې ۲ استادان ټپیان شوي دي.

د کورنیو چارو وزارت سرچېنې وايي چې دغه چاودنه نن ماښام ۷ نیمې بجې د پوهنتون دننه رامنځته شوه.

د سرچېنې په وینا لومړي معلومات ښيي چې چاودنه د یوماین پر مټ شوې چې د ساینس پوهنځي ته نېږدې ځای پر ځای شوی و.

د کورنیو چارو وزارت ددغه چارواکي له قوله په چاودنه کې دوه استادان ټپیان شوي دي.

د کابل پوهنتون د استادانو امر محمد امیر کامه وال هم د چاودنې پخلی کړی او زیاته کړې یې ده چې ټپي شوي استادان ډاکتر عبدالجلیل شګیوال د ځمکې پېژندنې یو استاد ټپیان شوي دي.

د هغه په وینا ټپیان روغتون ته لېږدول شوي او د یوه استاد حالت نازک دی.

 د چاودنې مسوولیت چا پر غاړه نه دی اخېستی.

 

avatar
1 د تبصرو شمېر
0 د ځوابونو شمېر
0 ار ایس ایس کې ګډونوال - څارونکي
 
ډېر غبرګون شوې تبصره
تر ټولو ګرمه موضوع
  ګډون وکړئ  
نویو زړو ډیرو خوښو شویو
خبرتیا غوښتل د
ډاکتر احمدی
میلمه

دا خو فکر کوم ناځوانی ده