ورزش

ای پي ایل: راجستان د کلکتې لوبډلې ته په ۹ منډو ماتې ورکړه

نن ټکی اسیا (یکشنبه، غویي ۲۷مه ۱۳۹۴ل): د انډین پریمیر لیګ ۵۴مه لوبه کې راجستان رویالز د کلکته نایټ رایدرز لوبډلې ته په ۹ منډو ماتې ورکړه.

د لوبې پچه د راجستان لوبډلې وګټله او توپ وهنې پریکړه يي وکړه. د راجستان لوبډلې توپ وهوونکي خپل د لوبډل مشر دغه پریکړه یوه غوره پریکړه ثابته کړه.

راجستان د واټسن غوره، پیاوړی او چټکې توپ وهنې په مرسته ټاکل شوي شل اورونو کې شپږ لوبغاړي له لاسه ورکولو سره ۱۹۹ منډې جوړې کړې.

واټسن د راجستان لپاره تر ټولو غوره توپ وهنه وکړه. واټسن په ۵۹ توپونو د نهه څلوریزو او پنځه شپږیزو په مرسته ۱۰۴ منډې جوړې کړې او د لوبې تر پایه ناسوځیدلی پاتې شو.

انډري رسل د کلکتې لوبډلې لپاره غوره توپ اچوونه وکړه. رسل خپل څلور اورونو کې ۳۲ منډې ورکړې او د سیالې لوبډلې درې لوبغاړي په سوځولو بریالی شو.

په ځوابي توپ وهنه کې د کلکتې لوبډلې د یوسف پټان او رسل غوره توپ وهنې په مرسته ټاکل شوي شل اورونو کې ۹ لوبغاړي له لاسه ورکولو سره ۱۹۰ منډې جوړې کړې.

دغه لوبه کې یوسف پټان په ۳۵ توپونو د پنځه څلوریزو او یوې شپږیزې په مرسته ۴۴ او رسل په ۲۰ توپونو د څلور څلوریزو او دوه شپږیزو په مرسته ۳۷ منډې جوړې کړې.

د راجستان لپاره توپ اچوونې په برخه کې مورېس ښه وځلید. مورېس خپل څلور اورونو کې یوازې ۲۳ منډې ورکړې او د کلکتې لوبډلې څلور توپ وهوونکي يي له مخې لرې کړ.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x