روغتیا

له شین چای سره غوره روغتیا تجربه کړئ

نن ټکی اسیا (جمعه، غبرګولی ۱، ۱۳۹۴ل): شین چای یو له هغو مشروباتو څخه دی چې ډیرې زیاتې ګټې لري. دغه مشروب د زړه له حملې او سرطان ناروغۍ څخه پهن مخنیوی کې ځانګړی اثر لري او یوه تقویه کوونکی مشروب ګڼل کیږي.

شین چای له پورتنیو ګټو سربیره په بدن کې اضافي غوړ او وزن له منځه وړي او اعصاب تقویه کوي. دغه مشروب تبې له منځه وړلو کې هم مهم رول لوبوي او انسان له ژور خپګان څخه ژغورلی شي.

– د یوې څیړنې پر بنسټ هغه ښځې چې د ورځې پنځه ګیلاسه شین چای څښي په هغوي کې د زړه د حملې له امله د مړینې کچه نسبت هغو ته چې د ورځې یو ګیلاس څښي ډیره ټیټه وي.

– په شین چای کې شته پولیفینول نومې مواد د قندي موادو تجزیه کوونکي انزایمونو مخه نیسي. شین چای له کوم زیان پرته کولی شي د انسان د بدن اضافي وزن کم کړي.

– د شین چای په پاڼو کې شته ځینې ګټور روغتیايي مواد د میکروب ضد خواص لري او د غاښونو له هر ډول ناروغۍ څخه په ژغورلو کې مرسته کوي.

– په ورځنۍ ډول له نیم څخه تر ۵ ګیلاسه چای د وینې د فشار لوړیدو خطر ۴۶ سلنه کمولی شي.

– دغه مشروب د شکر او ګردې له مختلفو ناروغیو څخه مخنیوی کوي. شین چای د امیلاز انزایم او کولمو له کنټرولو سره کوم چې د نشایسته لروونکي موادو مسؤلیت په غاړه لري د شکر ناروغۍ کنټرولوي.

پام کوئ چې په شین چای کې شته کیفین نومې موادو له اندازې زیات استعمال په ځینې خلکو کې د غصې، خوب کموالی او ناارامۍ لامل ګرځي. هغه کسان چې د سترګو په ناروغیو اخته دي باید د شین چای له استعمال څخه ځان وساتي.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x