نظــر

اوس په کې څه وایاست !!

kandahar-shaheedanپه کوړم  کې اسامه بن لادن  پټ وو ، نو ځکه په لوټو بدل شو ، په دهراووت کې په الوتکو ډزې شوې وې ، نو ځکه ناوې له همځولو سره  دواده په جامو کې په وینو غرقه خاورو ته لاړه ، په عزیزاباد کې امریکایي استخباراتو ته غلط معلومات رسیدلي وو ، ځکه سلامت کلي په ( کارپټ بمبار) کې لوګ شول ، په بالابلوک کې طالبانو برید کړی وو ، ځکه  دونیم سوه کلیوال په سپینو فاسفورسو ووژل شول او په چاردره کې  د سلګونو  ملکیانو په منځ څارګرو طیارو یو مسلح سړی لیدلی  وو، نو ځکه پرې جرمني قومندان دبمبار امر ورکړ  ، خو. . .
خو  په پنجوايي  کې څه  وو(؟؟؟؟)

په فارسي کې وایي ( ملخک یک بار جستي ، دوبار جستي ، آخر بدستي )  په پردیو راغلیو ناښاغلیو کې نه غږیږم بلکې د خپلو یوشمیر ښاغليو توجه غواړم چې یه ښاغلیو!!
 لوړ( علل او معلولات )  ستاسو   دتېر لس کلن منطق تسلسل دی ، چې له عزیزاباده نیولې ترغازي اباده مو په کې هرې غمیزې او فاجعې ته پرتوګ سکښتی او منطق تراشلی دی  ، مګر اوس چې خبره ( زنګ اباد ) ته رارسیدلې لطفا یوڅه په کې  ووایئ ، چې دلته ولې ؟ څنګه ؟ او په کوم جرم ؟؟

 ګورئ ښاغلیو ( دپراشوټ شوې دیموکراسۍ لیکوالانو ، خبریالانو ، صاحبنظرانو ، شاعرانو او نورو!!! )  که په ټټر کې زړه او تریخی لرئ ، نور مو باید دیرغلګرو لس کلن ناتار عاطفه اوغیرت ښورولی وي  ، دادی دوحشي غربیانو دجنایاتو لړۍ  هغې کچې ته ورسیده ، چې نور ورته ستاسو لمده ژبه هم توجیه نه شي تراشلی .
  وحشي یرغلګر په نیمه شپه راووتل ، او په بې وسلې ماشومو افغانانو یې ججوري تش کړل ، او بیا یې جسدونه په اورونو وسوزول  ، نه پوهیږم تردې به قصدي جنایت او افغان دښمني

بل څه ډول وي ؟؟

اوباما وایي ، عسکر لیونی وو (!)
دې ته وایي  دبې منطقو منطق !!

پوښتنه داده چې تاسو ته ولې نه ده لیونی چې زموږ دماشومانو او تورو سرو لپاره لیونی دی ، که لیونی وای په کار خوداوو چې څو تنه خپل دقرارګاه ملګري عسکر یې له تیغه تیر کړي ، او سادیسته  تنده یې پرې ماته کړې وای  !!

زموږ په باور نور دافغان مسلمان لپاره تردې قضاوت پرته بله هیڅ انتخاب او پریکړه په مخ کې نشته ، چې باور وکړي ( امریکایي یرغلګر زموږ ستراتیژیک دوستان نه بلکې  ددین  ، ناموس ، عزت اوژوند ترټولو بي رحمه غلیمان دي )

ملاسمیع الله

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
ستاسو نظر مونږ ته دقدر وړ دی، راسره شریک یې کړئx
()
x