سعودي عربستان: دمام کې د شيعه ګانو جومات ته څېرمه غبرګې چاودنې وشوې

نن ټکی اسیا (جمعه، غبرګولي ۸مه، ۱۳۹۴ل): د سعودي عربستان دمام ښار کې د جمعې لمونځ پر مهال د شيعه ګانو جومات ته څېرمه غبرګو چاودنو ګڼو کسانو ته مرګ ژوبله واړوله.

د عربي رسنيو له قوله چاودنه د دمام ښار عنود کلي کې د شيعه ګانو پر يو جومات شوې ده.

رويټرز خبري اژانس د سعودي چارواکو له قوله وايي، چې چاودنو کې تر اوسه دوه تنه وژل شوي او لسګونو نور ټپيان دي.

ويل کيږي، چې د ګڼو ټپيانو روغتيايي حالت د اندېښنې وړ دی او کېدای شي د مړو شمېر له دې هم زيات شي.
مرستندويه ډلې د پېښې ځای ته رسېدلي او د پېښې قربانيان روغتونو ته لېږدوي.

د يادونې وړ ده، چې تېره جمعه هم د سعودي عربستان قطيف ولايت قديح ښار کې د شيعه ګانو پر يو جومات چاودنې له شلو زيات کسان وژلي او له سلو زيات يې ټپيان کړي وو.

د قطيف چاودنې مسؤوليت اسلامي دولت منلی و.

د نن ټکی اسیا یوټیوب چېنل
avatar
  ګډون وکړئ  
خبرتیا غوښتل د