لومړۍ ځل لپار د بریښنا په مرسته الوتوونکې الوتکه جوړه شوه (ویډیو)

نن ټکی اسیا (شنبه، غبرګولي ۲۳مه ۱۳۹۴ل): د نړۍ په تاریخ کې د لومړۍ ځل لپاره د بريښنا په مرسته الوتوونکې الوتکه جوړه شوې چې دغه الوتکه د نړۍ تر ټولو ارامه الوتکه ګڼل کیږي.

له دې وړاندې یوې کمپنۍ د ګوګل او فیسبوک کمپنیو لپاره له لمر څخه چارجیدوونکی بې پیلوټه الوتکې جوړې کړې وې خو د نړۍ په تاریخ کې دا لومړۍ ځل دی چې د بريښنا په وسیله الوتوونکی الوتکه جوړیږي.

د کمپنۍ په وینا دغه نوې جوړه شوې الوتکه غږ نه لري او له اوچت غږ پرته الوتنه کوي چې له همدې امله د ټکنالوژي کارپوهانو دغې الوتکي ته د خاموشې الوتکې لقب ورکړی.

دغه الوتکه د فرانسې د الوتنې په ستره غونډه او نندارتون کې د نندارې لپاره وړاندې شوه. دغه الوتکه چې اې فېن ۲.۰ نومول شوې یوازې د دوو کسانو د انتقالولو وړتیا لري .

دغه الوتکه له بریښنا څخه چارجیږي چې له یو ځل چارجیدو سره د ۱۳۶ میله في ساعت له سرعت سره یو ساعت الوتنه کولی شي چې د جوړوونکی کمپنۍ په وینا دغه الوتکه به په ۲۰۱۷ز کال کې نړیوالو بازارونو ته وړاندې شي.

د دغې الوتکې جوړوونکی کمپنۍ رسنیو ته وویل چې دوي کوښښ کوي تر ۲۰۵۰ز کال پورې ۱۰۰ کسه انتقالوونکی له بریښنا څخه چارجیدوونکی الوتکه جوړه کړي.

دغه الوتکه د اواز سربیره نورې ډیرې ځانګړتیاوې هم لري چې کولی شي د سرمایه دارې طبقې توجه جلب کړي. د کمپنۍ په وینا دغه الوتکه کاربن ډای اکسایډ نه خارجوي او د دغې الوتکي په ډیزاین او جوړولو شل میلیونه امریکايي ډالره لګول شوي.

دغه الوتکه یوازې نیم ټن وزن لري او له لیتیم څخه جوړه شوې بیټرۍ په کې کارول شوی. د دغې الوتکې جوړوونکی کمپنۍ اعلان وکړ چې له دې وروسته د بریښنا په وسیله چارجیدوونکی هیلي کوپټر به هم جوړوي.

https://www.youtube.com/watch?v=RhjDRzHikbw