روغتیا

د مدیني منوري عجوه خورما او ګټي یې

لیکوال: حامد افغان

امام السيوطي رحمه الله کاږي: د نړۍ اکثره خورما له حجاز نه انتقال شوې دي، نمرودیانو له حجاز نه ختیځ ته وړې دي، کنعانیانو شام ته، فرعونیانو یونان ته او د تُبع قوم یمن او عمان ته وړې دي. د خورما په اړه قرانکریم کې یادونه شوې ده، هغه برکتي او ګټوره میوه بلل شوې ده. أَلَمْ تَرَ كَيْفَ ضَرَبَ اللَّهُ مَثَلًا كَلِمَةً طَيِّبَةً كَشَجَرَةٍ طَيِّبَةٍ أَصْلُهَا ثَابِتٌ وَفَرْعُهَا فِي السَّمَاءِ (24) تُؤْتِي أُكُلَهَا كُلَّ حِينٍ بِإِذْنِ رَبِّهَا وَيَضْرِبُ اللَّهُ الْأَمْثَالَ لِلنَّاسِ لَعَلَّهُمْ يَتَذَكَّرُونَ (25).[سورة إبراهيم الآية:24-27].

هره سیمه چې کومه میوه زیاته لري هماغه میوه په خلکو زیاته ګرانه وي، اصلاً ټولي میوې د الله نعمتونه دي، له ځمکي یې را پیدا کوي او د الله مخلوقات ګټه ورنه اخلي، د عربو سیمه کې خورا زیاته ده نو طبعا له نورو خلکو عرب زیاته مینه ورسره لري، او هغوی یې خورا زیاته خوري، صحابه کرامو هم زیاته خوړله او رسول الله صلی الله علیه وسلم او د هغه کورنۍ هم زیاته خوړله روایت کې راغلي چې د هغه په کور کې به که بل هر خوراک و خورما به خامخا ورسره وه. فعن عائشة رضي الله عنها قالت : “ما أكل آل محمد صلى الله عليه وسلم أكلتين في يوم إلا إحداهما تمرا “.

مدینه منوره کې تقریبا 270 ډوله خورماوي دي، او تر ټولو غوره ډول یې ” عجوة ” بولي او له دې ډول سره یې رسول الله صلی الله علیه وسلم زیاته مینه لرله، دا یې د نړۍ د میوو سرخیله، غوره او د جنت میوه بللې ده، رسول الله صلی الله علیه وسلم فرمایي: او عجوة د جنت میوه ده . والعجوة من فاكهة الجنة.. رواه الإمام أحمد.

فضیلت او ګټي یې

1-عجوة د جنت میوه ده، لکه په حدیث کې راغلي دي: رسول الله صلی الله علیه وسلم فرمایي: او عجوة د جنت میوه ده . والعجوة من فاكهة الجنة.

2-د زهرو علاج ده، رسول الله صلی الله علیه وسلم فرمایي: عجوه د جنت میوه ده او د زهرو علاج ده. عن أبي هريرة رضي الله عنه قال: قال رسول الله صلى الله عليه وسلم ( العجوة من الجنة وهي شفاء من السم ) رواه مسلم

3-د سحر علاج ده، رسول الله صلی الله علیه وسلم فرمایي: څوک چې سهار مهال اووه عجوه خورما وخوري په دې ورځ به زهر او سحر هیڅ ضرر ورته ونه رسوي. عن سعد رضي الله عنه قال : قال رسول الله صلى الله عليه وسلم ( من تصبح بسبع تمرات عجوة لم يضره في ذلك اليوم سم ولا سحر ) رواه مسلم

4-د سرګرځیدلو او جذام علاج ده، رسول الله صلی الله علیه وسلم فرمایي: د مدیني عجوه خورما د جذام ناروغي علاج ده چې هره ورځ اووه داني وخوري او اووه ورځي. عن عائشة رضي الله عنها قالت : قال رسول الله صلى الله عليه وسلم: ( ينفع من الجذام أن تأخذ سبع تمرات من عجوة المدينة في كل يوم تفعل ذلك 7 أيام ) رواه ابن عدي. په بل روایت کې راغلي عائشي رضي الله عنها به ویل: عجوه د سرګرځیدلو علاج ده چې هر سهار اووه دانې وخوړل شي.

5- د ګيډي د ناروغیو علاج ده، سعد بن ابي وقاص رضي الله عنه وایي: زه ناروغه شوم رسول الله صلی الله علیه وسلم مې د ناروغي پوښتني ته راغی، زما د تيو په منځ کې یې لاس کېښود په زړه کې مې یې د لاس سوړوالی احساس کړ، او راته ویې ویل: ستا په ګیډه کې تکلیف ده د ثقیف حارث بن کلده ته ورشه، هغه طبابت کوي، د مدینې اووه عجوه خورما دي ورواخلي، په شیدو کې دې خیشتې کړي، بیا دې تاته در وڅښي.
عن سعد بن أبي وقاص رضي الله عنه قال : مرضت مرضا , فأتاني رسول الله صلى الله عليه وسلم يعودني فوضع يده بين ثدي حتى وجدت بردها على فؤادي فقال: ( إنك رجل مفؤود ائت الحارث بن كلدة أخا ثقيف فإنه رجل يتطبب فليأخذ سبع تمرات من عجوة المدينة فليجأهن ثم ليلدك بهن ).رواه الطبراني.

اصلاح شوې بڼه

ورته لیکنې

ګډون وکړئ
خبرتیا غوښتل د
guest
2 Comments
زړو
نویو ډیرو خوښو شویو
Inline Feedbacks
ټولې تبصرې کتل
Hameed

حامد صاحب ماشالله جزاک الله احسن الجزا ددی مفیدو معلوماتو له راټولولو نه مو ډیره زیاته مننه

hamid afghan

په معذرت سره دې لیکنه کې غلطۍ وې دایې اصلاح شکل ده د مدیني منوري عجوه خورما او ګټي یې امام السيوطي رحمه الله کاږي: د نړۍ اکثره خورما له حجاز نه انتقال شوې دي، نمرودیانو له حجاز نه ختیځ ته وړې دي، کنعانیانو شام ته، فرعونیانو یونان ته او د تُبع قوم یمن او عمان ته وړې دي. د خورما په اړه قرانکریم کې یادونه شوې ده، هغه برکتي او ګټوره میوه بلل شوې ده. أَلَمْ تَرَ كَيْفَ ضَرَبَ اللَّهُ مَثَلًا كَلِمَةً طَيِّبَةً كَشَجَرَةٍ طَيِّبَةٍ أَصْلُهَا ثَابِتٌ وَفَرْعُهَا فِي السَّمَاءِ (24) تُؤْتِي أُكُلَهَا كُلَّ حِينٍ بِإِذْنِ رَبِّهَا وَيَضْرِبُ اللَّهُ… نور لوستل »

Back to top button
2
0
Would love your thoughts, please comment.x
()
x