fbpx

سږ کال څوک څو ساعته روژه نیسي؟

نن ټکی اسیا (سه شنبه، غبرګولی ۲۶مه ۱۳۹۴ل): د غبرګولي ۲۸مه /جون ۱۸مه/ د روژې مبارکې میاشتې لومړۍ ورځ ده.

سږ کال یو ځل بیا روژه په سخته ګرمۍ او معمولا په اوږدو ورځو کې ده. د سیمې په هېوادونو کې روژه له ۱۴ ساعتونو تر ۱۷ ساعتونو پورې به خلک نیسي خو اروپا او ځينې امریکايي هېوادونو کې بیا روژه تر ۲۲ ساعتونو پورې اوږده ده.

سږ کال به په نړۍ کې تر ټولو اوږده روژه د ایسلنډ مسلمانان نیسي، دوی به یواځې ۱ ساعت او ۱۵ دقېقې بوزه وي او نور ټول ۲۲ ساعته او ۴۵ دقېقې به روژه وي. ایسلنډ د اروپا یو هېواد دی او شمالي انتلاتیک کې پروت دی.

تر ټولو لنډه روژه بیا د استرالیا مسلمانان نیسي. دوی به یواځې ۱۱ ساعته او ۱۸ دقېقې روژه نیسي او تر نیمې ورځې زیات به بوزه وي.

همدا راز په سویډن کې ۲۱ ساعته ۱ دقېقه او په ناروې کې به ۲۰ ساعته ۲۵ دقېقې روژه وي.

عموما په اروپا کې د روژې نیولو دوران له ۱۶ ساعتونو تر ۲۲، په منځني ختيځ کې له ۱۵ تر ۱۶، په شمالي افریقا هېوادونو کې له ۱۴ تر ۱۶ او په امریکا کې له ۱۱ تر ۱۶ ساعتونو پورې دی.
په افغانستان کې به روژه ۱۶ نیم ساعته، پاکستان کې ۱۶ ساعته او ۸ دقېقې، هند کې ۱۵ ساعته ۳۲ دقېقې، سنګاپور کې ۱۳ ساعته ۲۷ دقېقې او مالیزیا ۱۳ ساعته ۳۴ دقېقې وي.

جنوبي افریقا کې به ۱۱ ساعته ۲۴ دقېقې، روس کې ۱۹ ساعته ۳۳ دقېقې، هالنډ کې ۱۹ ساعته ۲ دقېقې، بلیجیک کې ۱۸ ساعته ۵۰ دقېقې، ډنمارک کې ۱۹ ساعته ۳۲ دقېقې، استرالیا کې ۱۱ ساعته ۱۸ دقېقې، مکسيکو کې ۱۴ ساعته ۴۱ دقېقې، اجنټاینا کې ۱۱ ساعته ۲۰ دقېقې او برازیل کې ۱۲ ساعته ۲۸ دقېقې روژه وي.

جاپان کې ۱۶ساعته ۲۴ دقېقې، شمالي کوریا کې ۱۶ساعته ۵۴ دقېقې، ترکیه کې ۱۷ ساعته ۳ دقېقې، هسپانیه (پخوانی اندلس) کې ۱۷ ساعته ۸ دقېقې روژه وي.

تونس کې به ۱۶ ساعته ۳۳ دقېقې، بحرین کې ۱۵ ساعته ۲۱ دقېقې، سعودي کې ۱۵ ساعته ۱۲ دقېقې، فلسطين کې ۱۵ ساعته ۵۳ دقېقې، لبنان کې ۱۶ ساعته ۹ دقېقې، امریکا کې ۱۶ ساعته ۲۹ دقېقې او ایران کې به ۱۶ ساعته ۱۸ دقېقې روژه وي.

مصر کې به ۱۵ ساعته ۵۱ دقېقې، جرمني کې به ۱۹ ساعته ۳ دقېقې، برتانیا کې ۱۸ ساعته ۵۵ دقېقې، ایټالیا کې ۱۷ ساعته ۲۵ دقېقې، فرانسه کې ۱۸ ساعته ۳۶ دقېقې روژه وي.

سوډان کې به ۱۴ ساعته ۳۱ دقېقې، لیبیا کې ۱۶ ساعته ۱۱ دقېقې، الجزایر کې ۱۶ ساعته ۴۴ دقېقې، المغرب کې ۱۶ساعته ۱۰ دقېقې، موریتانیا کې ۱۴ ساعته ۳۵ دقېقې، کویت کې ۱۵ ساعته ۴۰ دقېقې، عراق کې ۱۶ ساعته ۵ دقېقې، اردن کې ۱۵ ساعته ۵۸ دقېقې، قطر کې ۱۵ ساعته ۱۵ دقېقې، یمن کې ۱۴ ساعته ۲۵ دقېقې او عربي اماراتو کې به ۱۵ ساعته ۱۱ دقېقې روژه وي.

avatar
1 د تبصرو شمېر
0 د ځوابونو شمېر
0 ار ایس ایس کې ګډونوال - څارونکي
 
ډېر غبرګون شوې تبصره
تر ټولو ګرمه موضوع
  ګډون وکړئ  
نویو زړو ډیرو خوښو شویو
خبرتیا غوښتل د
الحاج استاذ بیانزی
میلمه
الحاج استاذ بیانزی

فکر نه کوم په هغه هیوادو کی چه د ورځو یا شپو اوږدوالی یا لنډوالی یی له معمول څخه ډیر زیات وی لکه ناروی ، سویدن ، ایسلنډ ، دنمارک او داسی نور هیوادونه دی روژه دومره اوږده ونیسی او په همدغه هیوادو داسی وخت هم راځی چه ۲۳ او حتی په ځینو ځایو کی لکه د ناروی میډ نایت شار کی ۲۴ ساعته د دوبی به ځانګړی وختو کی ورځ وی فکر کوم چه مجتهیدینو دغه ستونزه حل کړی هغوی ته نزدی کوم اسلامی هیواد سره به روژه نیسی او ماتوی او حتی د لمانځه وختونه به یی هم… نور لوستل »