fbpx

روژه، لاندې خواړه او عادتونه مو تنده زیاتوي

نن ټکی اسیا (شنبه، غبرګولي ۲۹مه ۱۳۹۴ل): د روغتیايي کارپوهانو په وینا که غواړئ د روژې په جریان کې تږي نه شئ نو د پیشلمي او روژه ماتي پر مهال له وچ، درمل خاصیت لروونکي، مساله لروونکي، سره شوي، غوړ او خوږ خوړو څخه ځان وساتئ او د امکان تر حده د غوښې استعمال لږ کړئ.

د خوړو د برخې متخصصینو په وینا د روژې په مبارکه میاشت کې کافي، چاکليټ او ټینګ چای د هغو خوړو او مشروباتو له جملې څخه دي چې د انسان تنده زیاتوي. د روغتیايي کارپوهانو په وینا د پیشلمي او روژه ماتي پر مهال نشایسته لروونکي خواړه مه استعمالوئ ځکه چې دغه خواړه د هضم لپاره ډیرو اوبو ته اړتیا لري.

د ورژې په میاشت کې په ځانګړې ډول د پیشلمي پر مهال حلیم، کباب او کبان مه استعمالوئ. دغه ډول خواړه د هضم لپاره ډیر حرارت معدې ته جذبوي چې د معدې حرارت له زیاتیدو سره د اوبه اړتیا زیاتیږي او انسان د شدیدې تندي احساس کوي.

پورته ذکر شوي خواړه په اسانۍ سره په رګونو کې حرکت نه شي کولی چې له همدې امله زیاته اندازه اوبه ته اړتیا لري او د دغو خوړو استعمالوونکي د شدیدې تندې احساس کوي.

د ځینو روغتیايي څیړنو پر بنسټ له یخو اوبو سره روژه مه ماتوئ. که څه هم یخې اوبه په پیل کې د انسان تنده ماتوي خو په اصل کې د انسان تنده نوره هم زیاتوي او انسان په دوامدراه ډول اوبه څښلو ته هڅوي.

له هغو خوړو څخه چې د انسان تنده زیاتوي لکه کبان او ځینې نور ځان وژغورئ. د سودیم او مالګې استعمال مو تنده زیاتوي. له تندې څخه مخنیو لپاره هوګه او هغه خواړه چې زیاته اندازه هوګه لري هم مه استعمالوئ.

له پیشلمي کولو څخه وروسته له ځنډ پرته مه ویده کیږئ. د ورځې لخوا له ټولو هغو کارونو او فعالیتونو څخه د ډیر خوله لامل ګرځي ځان وژغورئ.

د روژه ماتې پر مهال په یو ځل پوره ګیلاس اوبه یا شربت مه څښئ بلکه کوښښ وکړی له صبر او حوصلې سره په وقفې سره اوبه یا شربت وڅښئ. په یو ځل او یو نفس د پوره ګیلاس اوبه څښل مو د بدن حرارت زیانمنوي.

هغه کسان چې د ورپیښې ناروغۍ له امله انتي بیوتیک درمل استعمالوئ باید کوښښ وکړي چې دغه درمل د روژه ماتې پر مهال استعمال کړي ځکه چې دغه درمل د انسان تنده زیاتوي.

avatar
1 د تبصرو شمېر
0 د ځوابونو شمېر
0 ار ایس ایس کې ګډونوال - څارونکي
 
ډېر غبرګون شوې تبصره
تر ټولو ګرمه موضوع
  ګډون وکړئ  
نویو زړو ډیرو خوښو شویو
خبرتیا غوښتل د
Esa Mohammad
میلمه
Esa Mohammad

سلام