نظــر

له عراقي بدماشانو ځان لرې ساتئ!

أبو عفراء السلفي

الله تعالی انسان ته عقل ددې لپاره ورکړی دی، چې ښه او بد، خیر او شر یا حق او باطل ورباندې وپیژني، دا چې انسان په ایمان مکلف بلل کیږي وجه یي همداده چې انسان ته الله تعالی دنورو مخلوقاتو په نسبت دا استعداد ورکړی چې په خپل عقل د الله تعالی وجود درک کړي او ایمان ورباندې راوړي، د شریعت له نظره که کوم انسان په ځنګله کې پیدا شي او لوی شي او هیڅ د ایمان داعي ونه ګوري بیا هم په ایمان لرلو مکلف دی، ځکه دغه انسان د خپل عقل په بنیاد دا استعداد لري چې د مخلوق او خلقت په اړه له تفکر څخه په خالق ایمان ته ورسیږي.

خبره مې د عقل او رأیې کارولو په اړه وکړه ، موږ شرعا په هره مسئله کې د عقل او ژور تبحث په کارولو مکلف یو تر څو خپل خیر یا مصلحت تشخیص کړای شو، هغه کسان چې په پټو سترګو د ژوند مزل لنډوي، پرته له سوچ او تدبر څخه دریځ خپلوي او هر غږ ته لبیک وایي، دغه ډول کسان به ضرور به هلاکت کې لویږي، ځکه دوی د عقل او رأیې له نعمت څخه استفاده نه کوي او پرته له پلټنې او سترګو رڼولو لار انتخابوي.

نبي کریم صلی الله علیه وسلم فرمایي: لاتکونوا امعة … رواه الترمذي و حسنه

له ځانه امعة مه جوړوئ، د امعة د معنی په اړه د احادیثو شارحین وایي: الإمعة هو: الذي لا رأي له، فهو الذي يتابع كل أحد، ولا يثبت على شيء، ضعيف العزم، كثير التردّد… یعني امعه هغه چاته وایي چې خپله رأیه نلري، د هر چا اتباع کوي، په هیڅ دریځ محکم نه پاته کیږي عزم یي ضعیف او په هر څه کې متردد وي.

ځیني علماء وایي چې امعه د انا معک خلاصه ده، امعه هغه چاته وایي چې څوک یو غږ پورته کړي نو دی پرته له فکره ورته وایي چې : انا معک … یعني زه هم له تاسره یم ، دی له هر چا سره وي د هرچا د خبرې او داعیې اتباع کوي پرته له دې چې د خپل ځان او دین مصلحت وسنجوي .

په دې ورځو کې یوه مهمه مسئله په عراق کې داسلامي دولت له مسلحې ډلې سره د غیابي بیعت ده، یو کال وړاندې کله چې د عراق مجاهدینو موصل ښار ونیو د عراق د سامراء یوه اوسیدونکي ابراهیم عواد ځان د خلیفة المسلمین په نوم اعلان کړ، او په ځان یي ابوبکر بغدادي نوم کیښود له هغه وروسته د نړۍ له ګوټ ګوټ څخه خلکو له دغه خود خوانده خلیفه سره د غیابي بیعت اعلانونه پيل کړل، له استرالیا او پاریس ونیسه د پاکستان تر اورکزو پورې ځینو کسانو پرته له دې چې د عراقي ډلې داعش ماهیت او تګلاره وپیژني د معنون په ځای په عنوان پسې روان دي او یوازې دا چې دغه ډله ځان اسلامي خلافت بولي ، دوی یي په پټو سترګو اتباع کوي.

په دې لیکنه کې زه د داعش ډلې په ماهیت او کړنو ډير نه غږیږم بلکې یوازې ددې ناپیژندل شوې ډلې په جغرافیه رڼا اچوم چې دغه ډله په کې راز رغونه شوې ده .

داعش هغه ډله ده چې تر اوسه عام امت ، د امت علماء او علمي مراکز او مراجع يي نه سمه پیژني او نه یي هم له کړنو سره توافق لري، په دې سربیره چې د امت مقلدین له دغې ډلې بیزاري اعلانوي حتی د اهل السنة والجماعه حدیثي مکتب هم له دغې ډلې سره توافق نلري، د نړیوال جهاد ستر او پیش قدم تنظیم القاعده او د شیخ ابو قتادة او شیخ المقدسي غوندې سترو علماء کرامو دغه ډله مشکوکه او مردوده بللې ده او رد یی پرې کړی دی.

هغه څه چې ددغې ډلې د بطلان په اړه شکوک او شبهات اضافه کوي د داعش د پیدا کیدو جغرافیه یعني عراق ده، د عراق په اړه په ډیرو احادیثو کې راغلي او رسول الله صلی الله علیه وسلم پیشګویي کړې چې دا د فتنو مرکز د ی.

حَدَّثَنَا مُوسَى بْنُ إِسْمَاعِيلَ ، حَدَّثَنَا عَبْدُ الْوَاحِدِ ، حَدَّثَنَا الشَّيْبَانِيُّ ، حَدَّثَنَا يُسَيْرُ بْنُ عَمْرٍو ، قَالَ ، قُلْتُ لِسَهْلِ بْنِ حُنَيْفٍ : هَلْ سَمِعْتَ النَّبِيَّ صَلَّى اللَّهُ عَلَيْهِ وَسَلَّمَ ، يَقُولُ فِي الْخَوَارِجِ شَيْئًا ؟ ، قَالَ : سَمِعْتُهُ يَقُولُ وَأَهْوَى بِيَدِهِ قِبَلَ الْعِرَاقِ : ” يَخْرُجُ مِنْهُ قَوْمٌ يَقْرَءُونَ الْقُرْآنَ لَا يُجَاوِزُ تَرَاقِيَهُمْ ، يَمْرُقُونَ مِنَ الْإِسْلَامِ مُرُوقَ السَّهْمِ مِنَ الرَّمِيَّةِ ” صحیح البخاري رقم الحدیث 6450

سهل بن حنیف رضی الله عنه وایي چې ما له رسول الله صلی الله علیه وسلم نه واوریدل چې دعراق خوا ته یي اشاره کوله او ویل یي چې له دوی څخه به یوه ډله را پورته شي، چې قرآن به وایي خو له ستوني به یي نه تیریږي دوی له اسلامه داسې وځي لکه غشی له لیندې څخه …

په مبارکو احادیثو کې دې ته ورته نور اخبار هم راغلي دي، چې باید جدي وبلل شي دلته راځئ په تاریخي لحاظ وګورو چې له عراق څخه د نبوي پیشګویي موافق څومره فتنې راپورته شوې دي او مسلمه امت ته له دې جغرافیه څخه څومره زیانونه رسیدلي دي.

ــ د اسلام د تاریخ تر ټولو لومړنی فتنه هغه چې په فتنة الاولی یا فتنة الکبری سره یادیږي له عراق څخه را وټوکېده، د حضرت عمرفاروق رضی الله عنه له شهادت وروسته لومړی د عراق د کوفې ځیني متآمرین وو چي د عثمانی راشده خلافت په خلاف یي د بغاوت بیرغ پورته کړ، دغه خلک چې په راشده خلافت یي خروج کړی و، وروسته یي د بصرې او ځینو نورو سیمو لوفران او ولګردان هم له ځان سره ملګري کړل، مدیني ته راغلل او د اسلام دریم خلیفه حضرت عثمان رضی الله عنه یي قرانکریم ته ناست په شهادت ورساوو.

د دغو عراقیانو شر او فساد د اسلام په تاریخ کې یو داسې زخم په ځای پریښود چې تر اوسه ترې وینې بهیږي، له همدې فتنې څخه د مسلمانانو ترمنځ خپل منځي جګړې راوزیږدې، او اسلامي امت په څو ټوټو وویشل شو.

ـــ د هجرت په ۳۶ کال د جمل واقعه چې د اسلام د تاریخ یو تریخ او ژړوونکی باب دی هم د عراقیانو تحفه وه ، ځکه ددې واقعه اصلي عاملین هغه عراقي باغیان و چې په حضرت عثمان بن عفان یي خروج کړی و او هغه یي په شهادت رسولی و او وروسته یي د صحابه تر منځ په ډیر مهارت خپل شیطانت ته ادامه ورکړې وه ، بله داچې ددې واقعې د وقوع ځای هم عراق و د جمل پیښه چې شاوخوا ۱۸ زره مسلمانان په کې یو د بل په تورو په کې ووژل شول د عراق بصرې ته نږدې پیښه شوې وه .

ـــ د جمل له پیښې یو کال وروسته د صفین واقعه چې په لسګونو زره مسلمانان په کې شهیدان شول هم دهغې فتنې تسلسل و، چې زړی یي څو تنو عراقي باغیانو د یهودي عبدالله ابن سبأ په مشوره او قومنده کرلی و.

ـــ په اسلامي امت کې خوارج چې رسول الله صلی الله علیه وسلم یي پیشګویي کړې وه په لومړي ځل په عراق کې دغه فتنه ظاهره شوه او اکثره غړي یي هم عراقیان و، وروسته له دوی څخه ګڼې ضاله او باطلې فرقې راوزیږیدې چې مسلمانان یي په سختو غمیزو واړول .

ـــ د اسلام څلورم راشده خلیفه د رسول الله صلی الله علیه وسلم د تره زوی او زوم هغه چې په نابالغو کسانو کې لومړی مؤمن بلل کیده حضرت علي کرم الله وجهه په عراق کې د عراقیانو په تورو په شهادت ورسید، دا د عراقي فتنه ګرو یوه بله توره کارنامه وه چې تاریخ ته یي پریښودله .

ـــ د رسول الله صلی الله علیه وسلم د سترګو تور او لمسی هغه چې د جنتي ځوانانو سردار او د نبوي خاندان نازنین بلل کیده حضرت حسین رضی الله عنه هم د عراقیانو په ځانګړي توګه د کوفې د خلکو دغدارۍ ښکار شو او بالاخره له ټول اهل بیت سره د عراقي بدماشانو په تورو د شهادت لوړ مقام ته ورسید .

ـــ حجاج بن یوسف هغه د صحابه وو قاتل ، د مکي حرم توهین کوونکی او د زرګونو معصومو انسانانو وژونکی هم دبدماشو عراقیانو په ملاتړ مست و او د هغوی د ړندو تورو په زور یي د ظلم او جبر تور تاریخ تر شا پریښود .

ـــ مختار بن ابي عبید ثقفي هغه چې د اهل بیتو د انتقام په نامه یي د کربلا له پيښې پنځه کاله وروسته قیام وکړ او د څو کلنو جګړو په ترڅ کې یي په زرګونو اهل السنة تر تیغ تیر کړل او بیدریغه معصومې وینې یي تویې کړې هم د عراقیانو سرکښ و چې ددې فتنه ګرې خاورې اوباشان یي رهبري کول.

ـــ د خوارجو غوندې د معتزله وو مبتدعه ډله هم لومړی د عراق په بصره کې پیدا شوه چې عراقی واصل بن عطاء یي مؤسس و، دوی د قرانکریم په مخلوقیت قول وکړ، د ایمان او کفر تر منځ یي یوه داسې منزله ثابته کړه چې سړی په کې نه کافر او نه مسلمان بلل کیدای شي، دوی دا عقیده را منځ ته کړه چې د انسانانو افعال الله تعالی نه دي پیدا کړي انسان د خپلو افعالو خالق دی ، دغه راز دوی له الله تعالی څخه ټول صفات نفی کړل او داسې نور مبتدع عقائد یي رواج کړل.

ـــ د قدریه او جبریه وو مبتدعې ډلې هم لومړی په عراق کې پیدا شوې، قدریه ډلې له الهي تقدیر څخه مطلق انکار کاوو او انسانان یي د خپلو افعالو پیداکوونکي بلل ، بالمقابل جبریه ډلې انسان مجبور محض باله او ویلی چې انسان د خپلو افعالو د کسب واک هم نلري د انسان افعال د ارتعاشي غیر اختیاري حرکاتو په شان دي چې پرته له ارادې ترینه صادریږي ، دغو فرقو وروسته نورې هم ډیرې فرقې وزیږولې او بدعات او خرافات یي له خپل اصلي مولد عراق څخه ټولې اسلامي نړۍ ته خپاره کړل.

ـــ په دې سربیره اسلامي علومو ته یوناني خرافاتي فلسفه هم لومړی د عراقیانو په لاس ورګډه شوه، د رافضیت فتنه چې وروسته یي اسلامي امت ته لویي ستومانۍ او غمیزې پیدا کړې او په لسګونو نورې فرقې ترې راوزیږیدې مسلمانانو ته د عراقیانو تحفه ده ، چې اوس هم په همدې عنوان یعني د شیعه او سني په نوم جګړه د هر ځای په نسبت په عراق کې ګرمه ده .

لوړ تاریخي حقائق ثابتوي چې د عراق خاوره د رسول الله صلی الله علیه وسلم د پیشګویي سره سم همیشه د فتنو مولد پاته شوې ده، دا سیمه همیشه په جنجالو ککړه او د نویو نویو افکارو، بدعاتو، شورشونو او نارامیو سیمه پاته شوې ده، د اسلام څلورو سترو خلافتونو لکه راشده خلافت، اموي خلافت، عباسي خلافت او عثماني خلافت له عراقیانو څخه ډیرې ناخوالې او جفاکارۍ لیدلې دي، د اسلام دوه ستر خلفاء حضرت عثمان او حضرت علي دغه راز حضرت حسین، عبدالله ابن زبیر او نور کبار صحابه رضوان الله علیهم د بدماشو عراقیانو په تورو په شهادت رسیدلي دي، او د عثماني خلافت په سقوط کې هم عراقي جاهلو عشائرو د انګریز جاسوس لارنس آف عربیه تر قومنده لاندې کلیدي کردار اداء کړ او بالاخره یي په جزیرة العرب کې عثماني خلافت ته دپای ټکی کیښود .

زه خپله د داعش د ډلې د نشأت او پراختیا په اړه لومړی لاس معلومات نلرم ځکه زه له عراق څخه لرې اوسم ، اما زما یو ملګری چې له عربو مجاهدینو سره نږدې تعارف لري کله مې چې د دولت اسلامي یا داعش په نامه درډلې د پیدا کیدا په اړه ترې وپوښتل نوموړي داسې ځواب راکړ .

په عراق کې پخوا د ابومصعب الزرقاوي ، ابوعمر البغدادي او ابوحمزه المهاجر په وخت کې د القاعده تنظیم تر مشرۍ لاندې جهاد روان و، کله چې هغوی شهیدان شول او میدان ابوبکر بغدادي ته پاته شو، نوموړي د عراقي مجاهدینو هغه کسان چې په بي ګناه قتل عامونو، اختطافونو او تجاوزاتو باندې متهم و او د في سبیل الله جهاد په نسبت ورباندې د بدماشۍ روحیه غالبه وه ، دغه کسان یي په ځان را ټول کړل او له القاعده تنظیم څخه یي بغاوت اعلان کړ ، له دوی سره وروسته د سوریې هغه وسلوال چې مجاهدینو د نامشروعو اعمالو له امله خپلو صفوفو رټلي وو هم یو ځای شول، او په دې توګه یي د دولة الاسلامیه فی العراق والشام ډله تکمیل کړه، دوی د خپلې بدماشۍ او دمسلمان وینې ته په سپکه کتلو تګلارې سره د عراق واقعي مجاهدین مغلوب کړل، وروسته یي سوریې ته نفوذ وکړ، هلته یي د جبهة النصره له پاکو مجاهدینو سره جنګ اعلان کړ، د جبهة النصره مجاهدینو دوی مسلمانان بلل نو خکه یي ورسره جګړه نه کوله، مګر دوی چې له دیني علم او جهادي فقهې څخه بشپړ عاري او کاملا سر اېله و د مجاهدینو په ذبح کولو او د هغوی دکورونو په سوزولو یي پیل وکړ ، په دې توګه یي دخپلې ناروا بدماشۍ ، بداخلاقۍ او فساد په زور ډیرې مفتوحه سیمې له جبهة النصرة څخه ونیولې.

دوی هغه علماء او مشایخ بیا بیا په شهادت ورسول چې جبهة النصرة د ثالثیت لپاره ورلیږلي و، څرنګه چې دوی په لاس کې وسلې درلودې مګر ددې وسلې د مشروع او نامشروع کاورلو علم او دیانت ورسره نه و، نوځکه یي په عربي نړۍ کې په وړاندې سخت نفرت را وپارید د اسلامي نړۍ ټولو حقاني علماء له دوی څخه برأت اعلان کړ او دوی یي یو مردوده ډله وبلله .

لوړو حقائقو ته په پام سره زما له مجاهدینو او عامو مسلمانانو څخه دا خواست دی چې په پټو سترګو دې ددغې مشتبهې ډلې سره پیوستون نه اعلانوي، د داعش ډلې د عراقي برخې غوندې د دوی خراسانی ایډیشن هم ټول له پخوانیو بدماشانو ، اختطاف ګرو ، اجرتي قاتلانو او داړه مارانو څخه جوړ دی، په دوی کې ټول هغه کسان راټول شوي دي، چې د افغانستان او پاکستان طالبانو له خپلو صفوفو څخه د ناروا اعمالو له وجې ایستلي وو، ددوی یو مشر هغه څوک دی چې په لومړي ځل یي په افغانستان کې د اختطاف یا اغوا برای تاوان د مشروعیت فتوا ورکړه، چې له امله یي په تیرو څو کلونو کې په ننګرهار کې دانسان تښتولو یوه سخته ویروونکي لړۍ پيله شوه، او په زرګونو مسلمانان او متدین شتمن یوازې دپیسو لپاره وتښتول شول چې ځیني یي قتل هم شول ، د ددوی بل مشر هغه مشهور داړه مار دی چې د خلافت تر دعوې وړاندې یي په کوزه پښتونخوا کې د اختطاف یوه منظمه شبکه رهبري کوله چې له همدې امله شهید حکیم الله مسعود له خپلې تحریک څخه شړلی و .

دداسې ډلې اتباع او ورسره ملګرتیا بې له شکه له حق څخه تجاوز او تعاون علی الاثم والعدوان دی ، مسلمانان باید بیدار واوسي د اخر الزمان په فتنو کې له وقوع څخه باید ځان وساتي تر څو یي دنیا او اخرت خوندي شي .
اقول قولی هذا استغفرالله لی و لکم و لسائر المسلمین .

ورته لیکنې

ګډون وکړئ
خبرتیا غوښتل د
guest
16 Comments
زړو
نویو ډیرو خوښو شویو
Inline Feedbacks
ټولې تبصرې کتل
جابر نعماني

الله رب العزت دي د جنت خاوند کړه! ډیرې په رړه پوري خبري پکښي ځای پر ځای شویدی.

مطیع الله

د داعش په باره کې د شیخ عمران حسین وینا واورۍ ډیر په زړه پورې معلومات لري

مطیع الله

د شیخ عمران حسین صاحب ویډیویي تقریرونه په يوټیوب کې ښه ډیر پیداکیږي . نوموړي عالم دافغانستان اسلامي امارت مشرانو ته دا مشوره هم ورکړې وه چې باید د قرآن د وینا مطابق د سرو او سپینو زرو (دینار او درهم) سیکې په هیواد کې رایج کړي او کاغزی پیسې چې استعمالول يې حرام هم دي باید بندې شی د کومو چې هم کفارو ته ټوله فایده ځي او هم په مکمل ډول انسانیت ته ستر ستر زیانونه مینځ ته راوړی ، د اسلامي امارت مشرانو په اول کې د عمران حسین صاحب په دغه مشوره چندان سر ونګراوه خو… نور لوستل »

حق جو

دداعش په اړه ښه پرمحتوا لیکنه ده رښتیا هم عراق د فتنو کور دی د عراق په جنګ کې په څوکلونو کې یو ملیون خلک قتل شول په افغانستان کې تراوسه یولک ته مقتولین نه رسیږي

شاه ولیکوټي

عن عبدالله بن عمر رض قال : اذا أقبلت الرایات السود من المشرق والرایات الصفر من المغرب حتی یلتقوا فی سرة الشام یعني : دمشق ، فهناک البلاء ،، نعیم ،، . کنزالعمال حدیث نمبر : ۳۱۴۲۲

قاري سعيدخوستى

ماشاءالله سومره خوندوره ليكنه ده

بلاغ

ماشاء الله جزاک الله تعالی خیر الجزاء ډیره په زړه پوری معلومات دی ټوله ایمان والا باید ډیر متوجه سی چې د سیمی ښاماران د امریکا په ګډون نه غواړی چې زموړ مستضعف اسلامی امت پر کراره سی نو قسم قسم دسیسی او چالونه په کار اچوی قاتلهم الله تعالی وفرق شملهم

خادم المجاهد

وابیت حزبیت اوخربکیت سره ګډ کړه داعش به ورنه جوړ شی

اونخیوال وردګ

ماشا الله په قلم د برکت شه
الله(ج) د جزأ خیر درکړي
ښکلی او په زړه پوري معلومات وو

امان

عراقي بدماشان او که عراقی مجاهدین …. داعش د شیعه ګانو د ظلمونو عکس العمل دی کوم چې دوئ په عراق کې د سنیانو سره په تیرو ۱۲ کالونو کی په پټه په ښکاره په زندانونو او په کورنو کې وکړل یو عراقي چې د داعش سره یې بیعت کړې وایی ستاسو عکس العمل به دغسې یو کس ته څه وي چې کله دوه شیعه فوځیان ستاسې کلي ته راننوځي د یو سني مشر د کور نه یې لورګانې راوباسي او بیا ورسره په جومات کې زنا وکړي او د جومات لاوډسپیکر یې لګولې وي تر څو یې چیغې ټول… نور لوستل »

عبدالله

الله دی خیر درکړی ډیر ګټور معلومات وه الله مو دی ددغه فتنی څخه ساتی که نور هم معلومات زموږ سره شریک سی دغه به زموږ دپاره د خوشحالی ځای وی جزاک الله احسن جزا

حامد احمدی

ننګرهار تباه کیږی که مخه یی ونه نیول شی

خالد

امان وروره !!! (۱)صحیح ده شیعګان ډیر ظلمونه وکړل خو داعش ته داسې نه وه پکار چې دومره قتل عام دې وکړي چې د ټولې اسلامي نړۍ په سطحه دې د سني او شیعه تر مینځ یو نه ختمیدوني جنګونه وزیږوي. (۲)داعش چې په اولو وختونو کې دومره تیزه پر مخ لاړه هغه هم د هغو پاکو مجاهدینو په بې ساری قربانیو له امله وه اوس ولې ترې په زرګونو مجاهدین لاړل او لګیا دي ترې اوس هم په بیلیدو دي . (۳) داعش هغه خپل مجاهدین ورورنه (جبهة النصرة مجاهدین) هم پرینښودل . (۴)داعش د عام شیعه ګانو خویندې… نور لوستل »

محمد قلندرزی

دداعش ډله رښتیا هم خورا مرموزه ډله ده چي د کفر او اسلام سیاسي مشرتابه په همزمان ډول جګړه ورسره اعلان کړې ده. تر اوسه پوري یوازي ترکیې ددې ډلي په وړاندي د جګړې څخه ځان ساتلئ دئ خو په ټولو اسلامي جهادي ډلو کي یوازینۍ ډله همدغه ده چي ښکاره مالي خودکفالت لري او امیر یې د نړۍ د یوه دولت د استخباراتو مامور نه ښکاري. کیدای سي چي دا ډله غلطئ ولري خو موږ ته پکارنه ده چي غیبت یا غندنه یې وکړو په عوض به یې دا ښه وي چي منحیث د یوه ځواک یې په رسمیت… نور لوستل »

کمال

خالده وروره ته خو وایی چی ورسره غداری وکره .په سلگونو یی په دیره بی رحمی شهیدان کرل.
دخدای لعنت پرهرهغه چاده چی دکفری استعمار پرضد فعاع جنگیدونکی مجاهد وینه تویول ورته عادی شکاری.هغه به دق لپاره مقابله نکوی چی اصلی هدف رانه پاتی شی او اخرت به می خراب شی ددغه زناور به دهغه روینه باک نه راوری ادجنهم مستحق زان گرزوی.خو اوس دامت دعلماوو دمتفقه فیصلی مطابق دداسی فتنی مخنوی فرض ده.اودفتنگرو وژنه لازمه ده

احمد بلال

مالكم كيف تحكمون؟؟!!!

Back to top button
16
0
Would love your thoughts, please comment.x
()
x