افغانستان

انوارالحق مجاهد: داعش دې په افغانستان کې له «مسلمان وژنې» لاس واخلي

نن ټکی اسیا (سه شنبه، چنګاښ ۹مه، ۱۳۹۴ل): د مشهورې جهادي څېرې مولوي محمد یونس خالص زوی په افغانستان کې د داعش او طالبانو د وروستیو نښتو په اړه نظر څرګند کړی او دا يې د مسلمان وژنې «فتنه » بللې ده.

انوارالحق مجاهد چې په ختيځ کې د طالبانو با نفوذه شخص بلل کېږي، پخپل خپاره کړي نظر کې وايي چې داعش دې یوازې دوی ته په ور لېږلو راپورونو تکیه نه کوي.

مجاهد پخپلو څرګندونو کې په افغانستان کې د داعش د وسله والو له لوري بغداد ته لېږلي راپورونه ناسم بولي او ليکي: «نه دلته شرک شته نه داسې بدعتونه، چې مرتکب یې شرعا ووژل شي اونه تراوسه په دی جګړه کې مشرک اوبدعتي وژل شوی.»

نوموړي پخپلو څرګندونو کې پر داعش غږ کړی چې د دې فتنې مخه دې ونیسي، ځکه چې «ددغې فتنی د رامنځ ته کیدو له پیله تراوسه زیاته ګټه صلیبي یرغلګرو او د هغوی ملحدوګوډاګیو ترلاسه کړی ، جهادي حرکت ته یې دروند زیان اړولی.»

انوارالحق مجاهد چې په دې وروستیو کې له پاکستاني زندانه راخوشي شوی، د خپلو څرګندونو په پای کې یو ځل بیا پر دې ټينګار کړی چې داعش ته د دلته شویو پېښو په اړه غلط راپورونه ورکول کېږي، د دوی په خبره د غلطو راپورو پر ځای دې «دصلحی اوتفاهم په لټه کې شي اوخپلو مشرانوته دی دغلطواوناسموراپورونوپه ورکولوسره خپلې غلطۍ اوناکامۍ نه پټوي اودفتنې په دغه اور دی نورتیل نه شیندی.»

داعش چې په دې وروستیو کې يې د هېواد په ختيځ کې په ځینو کلیو کې نښتې کړې دي، چې دواړو لوریو ته د مرګ ـ ژوبلې اوښتو راپورونه ورکړل شوي دي.

د سیمو اوسېدونکو له سیمه ییزو طالبانو سره اوږه پر اوږه د داعش پر وړاندې توند غبرګون ښوودلی چې له درنې مرګ ژوبلې سره يې داعش وسله وال بېرته پاکستان ته شړلي دي.

ټاګونه

ورته لیکنې

ګډون وکړئ
خبرتیا غوښتل د
guest
11 Comments
زړو
نویو ډیرو خوښو شویو
Inline Feedbacks
ټولې تبصرې کتل
عبدالله

په افغانستان کی ډیر تنظیمونه پیداکیدل ډیر غټ خطر دی ځکه افغانان ډیر ښه تجریبه لری دروسانو وروسته څه پیښ سول

احمد خان

افغان ولس ته پکار ده چې د داعش د فتنې په وړاندې چټک او کلک غبرګون وښیي، ځکه افغانستان د مذهب ترنامه لاندې د وژنو ځای ندئ.

ف.ا

طالب جانه اوس نو ورته تینگ شه. تر نن مو په دیر بی رحمی بی گناه خلک وژل. اوس داعش درباندی د الهی عذاب په شکل نازل شو تر سو ستاسی د وحشتونو او ظلمونو جزا درکری. پر بی وسه عام خلکو خو د الله اکبر نآری وی خو داعش ته مو اودس نه تینگ کیژی، عذر او زاری کوی. نور مو نو بادار( امریکا ) ستاسی د طالبی وحشت پروژه بندوی. د دنیا او آخرت رسوایی مو په برخه شوه. تاسی د خپل ملک په روانی پسی را استی وه . د چا مو نه من. تاسی د خپل قوم بد مرغی غوطه اوس مو نو سر په دریاب کی زی.

شاه ولیکوټي

دمحترمو مجاهدینو څخه یو خوا ست کوم چې : نور دمفسدینو پرخلاف نرمه رویه ا ختیار نه کړی ، ځکه چې کږې خو لې په سوک سمیږي نه په انسانیت او اخلاقو .

نصرت الله حدید

مجاهد صیب..که طالبانو د حزب اسلامی سره بی ځایه جګړی او نښتی نه وی کړی دا مشکل به نه وه. پکار دا چی سولی او تفاهم لاره یی حزب اسلامی سره نیولی وه.
طالبانو په هغه وخت کښی غوښتل حزب اسلامی وټکوی او په زوره تری بیعت واخلی.
تاسو یی اوس وینی چی طالبانو سره داعش اوس څه کوی؟؟؟
اوس هم وخت شته چی حزب اسلامی او طالبان دی خپل مشکل سره حل کړی.
مننه
الله دی مجاهدین په اتفاق کړی

حامد احمدی

څه فکر کوی چی دا حرکات او دا څرګندونی د طالبانو ویره نه په ډاګه کوی؟

حامد احمدی

سهار چی دفتر ته راشم نو یو وار د یاهوو خبرونه ګورم او کله کله بیا هغه کامنټونه هم ګورم چی ورلاندی لیکل شوی یی نن یو خبر وو چی اسلامی دولت په غزه کی د حماس ډلی ته اخطار ورکړی نو بیا ډیری لیکنی شوی وی خو یو اسرایلی ځوان بیا داسی لیکلی وو:
Nothing better than barbarians fighting each other to the death. We are all winners!
ترجمه: ددینه ښه خبره مونږ ته بله نشته چی بربریان (هدف یی مسلمانان) دی یو بل منځ کی وجنګیږی او یوبل ووژنی – مونږګټونکی یو.
نو ځه خپلو ټولو مسلمانانو ورونو او خویندو نه غوښتنه کوم چی دوی ستاسی په خپل منځی جګړو ډیر خوشالیږی او ګټه یی دوی ته رسیږی. راځی سره یوه شی (واعتصمو باحبل الله جمیعا ولا تفرقو)

قاری حسیب

احمد ی صاحب همداسی ده اسراییلوته تر دی شه خبر نشته چی مسلمانان په خپل منځ کی ونښلی خو زه ددی مسلمان انصاف او بد ضمیر ته حیران یم تر پرونه همدا کسان د امارت تر سنګ ولاړ ول او هغه کسانو چی به امارت سره بعیت نه درلود کافر و خارجی بلل ما دیرو هغه کسانو سره بحث شوی وه چی اوس داعش ته ورغلی او اوس طالب کافر او مرتد ګنی همدو به هغه خلک چی امارت نه جلا ول کافر کڼل او ځینی با انصافو یی بیا باغیان بلل اوس نو محترم داعشی صیب ته کوم حکم کی راغلی یی تا چی عملی بعیت مات کړی ایا باغی نه یی ستا د په رب قسم وی چی ته امارت نه په دی خاطر تللی یی چی مذاکرات کوی یا که نور یی اختطاف او غلا ته نه پریشودی ځه خو دیر داسی کسان بیزنم چی مشهور اختطاف چیان ول غلاوی کولی اوس بیا د داعش مخ کښان دی د مثال په دول د بتی کوت قوماندانان اکثره د امارت له خوا پّه دی جرم بندیان شوی ول چی غله ول محترم داعشی صیب ستا د قسم وی چی امارتی حاجی عبدالاحد خالد بتی کوټی شاهین او نور سم ول که غله اوس نو الله نه وویرژه او فتنه مه جوروه طالبان د فتح تر دروازی رسیدلی پریده چی فرعونی نظام ړنګ کری که بیا یی کفری نظام راوسته بیا ستا مخه چا نده نیولی بیا ورسره مقدس جهاد پیل کرده خو اوس کافر مه خوشحالوه قسم په رب ځما طالبان ندی خوش خو د امت مصلحت لپاره یی مخالفت ناروا ګنم کیدی شی طالبانو کی ستر ستر خطاګانی وی خو اوس یی مقابل کی د نړی تول کفار ولاړ دی له الله وویرژه هغه چاسره دشمنی مکوه چی کافریی خپل دوشمن بولی د هغه چا وینه مه تویوه چی امریکایی د وینی تویلو تژې دی

khalid

محترمینو او جنابانو ډیرو خبرو ته حاجت نشته نور ددی کسانو په خوارجیت کی د یوی ذری په اندازه شک نشته دوی د اسلام په بدنامی پسی را اخیستی ده اوس ما ته معلومه شوه چی امریکایانو دا کسان په لوی لاس رامنځته کړل پخپله یی ورته زمینه مساعده کړه او دنیا والو ته یی د یوه جعلی کاذب خطر په توګه معرفی کړل امریکایان غواړی ددی جاهلو او ناخبرو په واسطه خپل د شکست انتقام له القاعدی او طالبانو واخلی اول خو دی خدای ورته هدایت وکړی چی له خپلی دی خوارجی او غلو آمیزه عقیدی لاس واخلی اصل مجاهدین باید په خپل حجت تمام کړی او له دی ډول فکرنه دلاس اخیستل توصیه باید ورته وکړی که لاس واخیسته ښه ترښه کنی د عبدالله ابن عمر د قول مطابق یی باید ټغر په مکمل ‌ډول ورټول شی زه دی ته حیران یم چی امریکا ولی د ټولو دنیاوالو د کومک راټولو باوجود دا وایی چی ددی ‌ډلی له مینځه وړل آسانه کار ندی او کلونه وخت نیسی هیڅ وخت څوک د خپل یو دښمن په مقابل کی چی په واقعی ډول ترینه د خطر احساس کوی داسی الفاظ نه استعمالوی بلکه وایی چی ډیر ژر به له مینځه یووړل شی لدی معلومیږی چی امریکا ددوی په وسیله په منطقه کی خپلو اهدافو ته ځان رسول غواړی څو وخته مخکی می ددوی د دابق مجلی اتمه ګڼه د انټرنیټ له لاری کتله باور وکړی لو ستلو یی ډیر زیات ټکان راکړ اول خو پدی مجله کی دوی د ټولو اسلامی مملکتونو نظامونه طاغوتی او حکام مرتد ګڼلی ورپسی یی ټول هغه مسلمانان چی ددی نظامونو لاندی ژوند کوی او هغه مسلمانان چی په کفری ملکونو کی ژوند کوی ټول یی له یوی مخی مرتد ګڼلی د ښه او بد تصفیه یی نده کړی او ویلی یی دی چی دا مسلمانان باید یا پدی ملکونو کی ددی نظامونو په ضد وسلی ته لاس کړی او یا دی راشی زمونږ د خلافت ځمکی ته دی هجرت راوکړی کنی مرتد دی او د قیامت په ورځ به د کفارو او مشرکینو له ډلی شمارل کیږی یعنی معنی داچی له کومی ورځی چی خلافت له مینځه تللی او ددوی د خلافت د احیا تر وخته پوری چی کومو مسلمانانو ژوند کړی او مړه شوی دی هغه ټول د جاهلیت او ارتداد په مرګ مړه شوی او اوس دوی دمسلمانانو له سره مسلمانیدل شروع کړی دی په دلیل کی یی د قرآن آیتونه او بعضی هغه احادیث ذکر کړی چی ظاهرا ددوی د عقیدی تایید کوی راوړی دی لکه کوم مسلمان چی له مشرکینو سره یوځای ژوند کوی نو د مشرکینو له ډلی به شمارل کیږی او هغه آیتونه او احادیث یی له پامه غورځولی چی صریحا دا ‌ډول غلو آمیزه عقیدی ردوی همداشان یی دارجا مسله په غلط شکل څیړلی دیوبندی احناف یی مستقیما او په مجموع کی ټول احناف یی غیر مستقیما مرجیی مذهبه ګڼلی بله نادره یی دا چی ځینی ډلی په افغانستان کی لکه حزب اسلامی داعش واقعی اسلامپاله او مومنه ‌ډله ګڼی او پخپلو ویب سايټو کی یی په صفتونو نه مړیږی خو دوی دی په یاد ولری چی دوی دداعش د باور مطابق یوه مرتده ‌ډله حسابیږی اوس که څوک پوښتنه وکړی چی هغه څنګه هغه داسی چی داعش پدی مجله کی د سوریی علوی نظام یوه مخالفه وسلواله ډله چی شامیه نومیږی د حوٍثیانو په خلاف د سعودی د حکومت د ملاتړ له وجی چی داعش یی طاغوتی حکومت بولی مرتده ډلی بیانوی او وجه یی هم د سعودی د حکومت ملاتړ عنوانوی اوس خو حزب اسلامی هم هماغه ډله وه چی د سعودی د حکومت په ملاتړ یی یمن ته جنګیالی لیږل نو دوی دی په یاد لری چی دداعش د فکر مطابق دوی هم مرتدان شمیرل کیږی ټول هغه کسان چی په انګلیسی ژبه پوهیږی کولای شی د دابق مجلی دا ګڼه په لاندی لینک ولولی او وروسته له لوستلو دی په انصاف فیصله وکړی چی آیا دداعش په خوارج والی کی د یوی ذری په اندازه هم شک شته په کامله معنی خوارج دی داوسنی عصر ډیرو داسلام په درد درمنو علماو یی د خوارجیت فتوا ورکړی او هو یوه خبره می هیره شوه هر هغه څوک چی داسلامی امارت په مشرتابه او واقعی مومنو طالبانو پسی بیځایه خبری کوی او افترات لګوی هغه حرمنی ده دا امارت و چی هم د افغانستان دمسلمانانو پت او عزت د شر او فساد په وخت کی وساته او هم تر ډیره د امریکایی صلیبی اشغال په وخت کی دا هم ددابق د مجلی ددی ګڼی د pdfفایل انټرنیټی لینک
http://media.clarionproject.org/files/islamic-state/isis-isil-islamic-state-magazine-issue+8-sharia-alone-will-rule-africa.pdf

ستوری

گل بی دین قدرت ته درسیدو لپاره هری بی شرمی ته ملاترلی دطالبانو سره ددشمنی لپاره یی له سرو امریکایانو سره هم جوره وکره
خوبیایی هم هغه شوم مرام تر سره نشو.
اوس یی دطالبانو پر ضد دداعش لمن ونیوله انشاالله گل بی دین به تل داسی ذلیل او خوار وی

تندر

د ستوري تر نوم لاندې پټې تروږمۍ ته وایم ، چې حزب کله هم له طالبانو سره دوښمني نه ده کړې بلکه تل طالبانو په حزب بریدونه کړي ، طالبان نن هغه څه درک کوي چې برون ېې حزب اسلامي ورته اړویست ، لکه له مجهول کس سره بیعت په داسې حال کې چې حزب په افغانستان کې د جهاد او مبارزې بنسآټ ایشي ، موږ په هیڅ صورت د مسلمانانو په تیره مجاهدینو ټيټه نه وایو ، هغو ته چې سمه لار ېې کږه کړې له خدایه هدایت غواړو ، په ېډ کې شک نه شته چې د حزب اسلامي په څير په طالبانو او داعش دواړو کې هم دير غوره او ښه او هم دير بد کسان شته موږ باید د مسلمان په څیر له شخصي عقدو لرې پریکړه او قضاوت وکړو ، یو شمیر عقده ايي کسان چې چیرته بد وي په حزب اسلامي پورې ېې تړي ، حتی دا اوس خو تروږمۍ د حزب اسلامي محترم مشر قاید ته بد الفاظ کارولي ، په طالبانو کې هم دا ډول کسان شته او په داعش کې هم ، هغو چې په زړونو کې ېې مرض دی د یوې اعلامېې څو خبرې له داعش د حزب په پریکنده ملاتړ تعبیر او رسنیزې کړې او تر ټولو ډير پکی ورته لودیځو رسنیو وواهه ، خو د حکمتیار هغه خبرې چې دا اعلامیه ېې توضیح کړې وه او له طالبانو او د هغوی له قربانیو ېې درناوی کړی ؤ هیچا هم نه رسنیزه کړه او نه ېې پرې غبرګون وښ،د ، دا ښيي چې د حزب دوښمنان یا د لودیځ او ختیځ د شیطاني کړیو اړوند دي ، یا هغه کسان دي چې مادي ګټو او د قدرت جنون ېې سترګې ورړندې کړې او یا هغه جاهلان دي چې هر پردي او خپل ډول ته ګديږي .
وروڼو دا دوعار تل تکرارۍ چې نور دې خدای ج اسلامي امت له فتنو وساتي ، او ښویدلیو ته دې زموږ په ګډون خدای ج د حق هدایت نصیب کړي .
ماته خو هر مجاهد که د حزب وي ، که د طالبانو که د بل کوم اسلامي ګوند ولو که د نړۍ په بل سر کې وي خپل سکنۍ ورور ښکاري .

Back to top button
11
0
Would love your thoughts, please comment.x
()
x
Close
Close