افغانستان

امريکايي عسکرو پر ملي اردو بمبار کړی

نن ټکی اسیا (دوشنبه، چنګاښ ۲۹مه، ۱۳۹۴ل): د لوګر ولايت برکي برک ولسوالۍ کې امريکايي چورلکو د ملي اردو پر پوستو بمبار کړی دی.

د لوګر ولايت چارواکي د پېښې پخلی کوي، مګر د پېښې شوې مرګ ژوبلې په اړه يې څه نه دي ويلي.

د ملي اردو د دوهمې لوا قوماندان جنرال عبدالرازق افغان اسلامي اژانس ته وويل، چې امريکايي عسکرو تېره شپه د برکي برک ولسوالۍ چلتن سيمه کې د ملي اردو پوستې بمبار کړي او مرګ ژوبله يې هم اړولې ده.

د جنرال عبدالرازق په وينا د ملي اردو د تلفاتو دقيق شمېر نه دی معلوم.

کابل کې د ايساف مرکزي دفتر د يوې اعلاميې په خپرولو سره ويلي، چې امريکايي عسکرو د ملي اردو پر پوستو بمبار کړی او ايساف په دې اړه پلټنې پيل کړي دي.

د پېښې په اړه د نورو معلوماتو لپاره نن ټکی اسيا څارئ.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x