د ترکيې سويل کې چاودنې ۲۷تنه ووژل

نن ټکی اسیا (دوشنبه، چنګاښ ۲۹مه، ۱۳۹۴ل): د ترکيې کورنيو چارو وزارت وايي، چې د سوريې سرحدي سيمې ته څېرمه يو کلتوري مرکز کې چاودنې لږ تر لږه ۲۷ تنه وژلي او ګڼ نور ژوبل دي.

لومړني راپورونه وايي، چې چاودنه د سوريې کوباني ښار ته څېرمه د امارا په نوم يو کلتوري مرکز په تالار کې هغه مهال وشوه، چې د سوساليستي ځوانانو له خوا په دغه تالار کې د کوباني په اړه غونډه روانه وه.

ترکي چارواکو تر اوسه د چاودنې د نوعيت په اړه رسنيو ته څه نه دي ويلي.

تر اوسه د پېښې مسؤوليت چا نه دی منلی.