دیني، سیرت او تاریخ

د صلیب اړوند په زړه پوري معلومات

ډیرو  مسلمانو  وروڼو  په   وارو  وارو  د صلیب   اړوند  په  ډیره  لیوالتیا  له  ما  څخه  پوښتني  او ګرویږني  کولې او  دوی  ته  مي  د صلیب   اړوند  معلومات  ورکول  اوس  دادی  چې  له  پښتو  ژبي  هغو  مسلمانو  وروڼو  سره  معلومات  شریکوم  چې  د نړۍ  په  لر  اوبر  اوسیږي .
صلیب   زموږ   د هیواد د  مشهورو  او  معروفو  درختو  غوندي   د یوې  درختي  نوم  دی  لکه   انار ، توت  ،  زردالو،  مڼه  ،  چنار ،  سپیدار ، او  داسي  نور ،  لکین  دهغې  په  ترکیب  کې  له  نورو  درختو  څخه  بیلوالی  یا  ځانګړتیا  په  دې  کې  ده  چې  د صلیب   درختي  د لرګي  مغز  قدرتي  طور دڅلورو  متقابلو نقطو  یا د دوو متقاطعو خطونو په  کیفیت  جوړ شو ی  دی

 په  دې  توګه   ( +)  نو  عيسي  يانو ددې   نخښي  عکس   په  نورو  شیانو  باندي   رسم  کړ  او  همدا   راز  له  لرګو،  وسپونو،  او خټوڅخه  یې  دې  ورته   تمثالونه  جوړ  کړل ،  په  اوسنۍ  زمانه  کې  هم   د عیسی  یانو  له  لوري  د منحرفي  دیني  عقیدې  لمخه   صلیب  ته  د  درناوي   پخاطر  په  ټوله  نړۍ  کې  چې  په  دوی  پوري   تړاو  لري  په  درملتونونو،  شفاخانو، کورونو،  طیارو،  موټرونو، دفترونو، او معبدځایونو کې  دا یادګاري  نښان  استعمالوي  ،  کله   کله  زموږ  ساده  لوحه   له  خپل  دین  څخه  نا  خبره  مسلمانان  هم  ددوی  په  دې  ناروا   او  حرامه   لومه  کې  د ناخبري  له  امله  ښکیل  شي  .
د صلیب  درخته  په  هندوستان  او ځینې  عربي  او  اورپایي   هیوادو  کې  کرله  کیږي  له  هغو  هیوادو څخه   زموږ  هیواد  ته  را  واردیږي .
د صلیب  په  لرګي  کې  الله  جل  جلاله  ځینې   ډیر  عجیب   خواص  ایښي  دي  چې  دهغو تفصیل  د یوناني  طب   د مفرداتو  په  کتابو کې  او  همدا  راز  د ځینې  ماهرو مصنفینو د تعویذات  په  کتابو کې   شته   لکه  ( مجربات  دیربي ) او مجربات  سنوسي ) .
اوس  راځو    صلیب   د اسلامي  فلسفې  او  عقیدې  له  اړخه  څیړو ، همدا  راز  عیسایان  چې  صلیب  ته  درناوی  لري   اصل  منبع  او  سرچینه  یې  په  ګوته  کوو  :
مسئله  بوږنونکي خو ټول کتونکي  مسلمانان   ددې  پوهاوي  ته   ایمانا  او وجدانا  ډېره  اړتیا لري ، زه غواړم   چې  د مسئلې سرچینه په  ګوته کړم   له  هغې   نه  به   بې شمیره   مسئلې  سر   را  پورته  کړي  .
لومړی  :  د سپېڅلي شرع  له  نظره  د نړۍ  ټول کافران  د ملت  په  اعتبار په  دوه   برخو  وېشل  شوي  دي ، یوه  برخه   د مشرکینو په  نوم ، او بله  برخه   د اهل کتاب  په  نوم   شهرت  لري ، اهل کتاب کافران  په خپل  منځ کې  بيا په  دوه   برخو وېشل  شوي دي ، چې  یوه  برخه  یې  ( یهود)  دي  چې  د موسوي  دین پیروان دي ، حضرت  موسی علیه السلام   د پیغمبر په  توګه  او تورات   دځان   لپاره  د اسماني کتاب په توګه  مني .
دویمه  :  ډله  نصاری  ( عیسی یان )  دي  چې  د عیسوي  دین  پیروان  دي ، حضرت عیسی علیه السلام   د پیغمبر په  توګه  او انجیل  دځان  لپاره  د اسماني کتاب  په  توګه  مني ، له  دې دواړو  ډلو پرته   نور کافران   ټول  مشرکین  دي  چې  په  ګڼ شمیر څانګو  وېشل  شوې دي ، د اسلام   په  سپېڅلي  شرع  کې   د مشرکینو   او اهل کتابو احکام   یو له  بله  بېل  بېل  دي  .
لنډه  دا چې  یهودو له  حضرت  عیسی علیه السلام   سره   دښمني   پیل کړه   آن  تر دې  چې   د هغه  د وژلو لپاره   یې ګڼ شمیر  پلانونه   وسنجول   خو   اخیر  یې   یو مشترک  ګنتوکمیز ګروپ  تشکیل کړ ، لکه  په   اوسنۍ  زمانه  کې  چې  د  ( ناټو) په  چوکاټ کې جوړ کړی  دی ، چې له   هغې  نه  یې  یوازي  اوه  ( ۷)  کسیزه   ډله  جنګیالي   وټاکل  چې  په  حضرت  عیسی علیه السلام   حمله   وکړي  او له  منځه يي  یوسي ، حضرت عیسی علیه السلام   هغه  مهال  په  یوه  کور کې  یوازي   ناست وو ، کله  چې  دوی هغه کور محاصره کړ ، پروردګار جل جلاله   د خپلي  مهرباني لمخه   د حضرت  جبرییل علیه السلام  په وسېله  حضرت  عيسي عليه السلام   له  هغه کور څخه   اسمانوته   روغ    رمټ   پورته  کړ ، کله   چې ددوی  لومړﺉ   جنګیالی  هغه  کورته   داخل شو ، نو هملته   هیڅوک  نه وو ، بیرته  چې   را وګرځید نو الله جل جلاله   د هغه   د مخ   بڼه   د حضرت  عیسی علیه السلام  څیرې  ته   ورته  کړه ، له  کور څخه دباندي   شپږو تنو  جنګیالیو حمله  پرې  وکړه ، ویې  واژو ، له   هغه   وروسته   چې  دوی  د هغه   د مخ څیرې ته   وکتل  حضرت  عیسی علیه السلام   ته   ورته  وو ، چې جامو ته   یې  وکتل   د دوی   د ملګري وې ، هلته  په  کورکې  هم  بل کس  ونه  موندل شو ، نو دوی  په  اشتباه كي  ولوېدل .
لنډه  دا چې  هغه  وژل  شوی کس  یې د صلیب  درختي  له  لرګي  نه  په  جوړ شوي  دار ځوړند کړ ، د هغې  سیمي  یو  بل  طرف  ته  یې  اوازې  خپرې کړې   چې  حضرت  عیسی علیه السلام   ووژل  شو .
د رسول الله   صلی الله  علیه   وسلم  تر پیغمبر کېدو او  د قرآن کریم   تر نازلېدو پوري   یهودیان  او عیسی يان  په  دې  متفق وو  چې  حضرت عیسی علیه السلام    وژل  شوی  دی ، خو کله  چې  قرآن کریم نازل   شو  الله جل جلاله   ددې  خبري  سپینا وی   وکړ  چې  حضرت عیسی علیه السلام   نه   دی   وژل شوی  . {  وَقَوْلِهِمْ إِنَّا قَتَلْنَا الْمَسِيحَ عِيسَى ابْنَ مَرْيَمَ رَسُولَ اللَّهِ وَمَا قَتَلُوهُ وَمَا صَلَبُوهُ وَلَكِنْ شُبِّهَ لَهُمْ وَإِنَّ الَّذِينَ اخْتَلَفُوا فِيهِ لَفِي شَكٍّ مِنْهُ مَا لَهُمْ بِهِ مِنْ عِلْمٍ إِلَّا اتِّبَاعَ الظَّنِّ وَمَا قَتَلُوهُ يَقِينًا (157) بَلْ رَفَعَهُ اللَّهُ إِلَيْهِ وَكَانَ اللَّهُ عَزِيزًا حَكِيمًا (158) } سورة النسآء
ژباړه  :  ( یهودیانو) په  خپله  وویل  :  چې  موږ  مسیح   عیسی  د مریم   زوی   وژلی  دی ، حال   دا چې واقعیت   داسي دی   چې  دوی   نه   هغه  وژلی او نه   یې  په   دار  ځړولی دی ، بلکي  موضوع   د هغو لپاره  مشتبه   وګرځول  شوه ، کومو خلګو چې  د هغه  په  باب  اختلاف کړی دی ، هغوی  هم  په  اصل  ( واقعیت ) کې  په  شک  كي  لوېدلي دي ، له  هغو  سره  په  دې   باره کې  هیڅ   علم  نشته  دی ، صرف   د ګمان  پیروي  ده ، هغو په  یقیني  توګه   مسیح   نه  دی  وژلی ، بلکي الله   هغه  خپل  لوري   ته   وچت  کړ ، الله   ډېر  زور  ور  او د خاص حکمت  څښتن  دی   .
اوس  را ګرځو خپل  مطلب  ته  هغه  ( دار )  چې  یهودیانو په  درواغو ادعاء کوله  چې حضرت  عیسی علیه السلام  موږ  په  همدې   دار  باندي  ځوړند کړ  , ومو  واژه  او عیسی یانو هم   د دوی  د درواغجنه ادعاء  تایید کړه ، همغه   دار  د صلیب  د درختي  له  لرګي څخه   جوړ شوی  وو , نو د  عیسی یانو هغه  درواغجنه   اوازه   زړه  ته  ولوې  ده  همدا لامل وو , چې  د صلیب  درواغجن یادګار  نښان  ته  یې  د تبرک  د حاصلېدو په  نیت   د احترام   سر ټیټ  کړ ، د حضرت عیسی علیه السلام   وژنه  یې  ومنله   او په  دغه   لرګي  باندي  یې   د ځوړند کېدو  یقین   راغی ، د عقیدې  لمخه  د صلیب   درواغجن  یادګار نښان  او  د ریښتیني  قرآن   ترمنځ   ژور ټکر  او تضاد  رامنځ  ته  شو ، قرآن ثابته  کړه   چې  حضرت عیسی علیه السلام  نه   وژل  شوی   او نه  په   دار ځړول شوی دی   بلکي  ژوند دی  په   آخره  زمانه  کې  له  اسمان  څخه  را ښکته  کیږي  او  د انجيل   نه   بلکي  د قرآن  حکم  به  چلوي او د محمد صلی الله علیه وسلم   د امتیانو له  ډلي  څخه  یوسړﺉ   به   وي ، د دې  په  خلاف   د  صلیب یادګار  نښان   وایې  چې  وژل  شوی  او  د صلیب  درختي  له  لرګي  څخه  په   جوړ  شوي   دار ځړول  شوی  دی ، مسلمانان  چې  قرآن   ته   عقیده  لري  او د هغه  خبره  مني  نو د صلیب  ټوله  سلسله   د عقیدې  لمخه   درواغ  ګڼي  داسي  فکر  چې  څوک  لري  چې  دا  یوه  سیاسي  انګیزه ده   دا  سراسر بې بنسټه  خبره  ده ، او څوک  چې  د صلیب  خبره  مني  د هغه   احترام  کوي  نو هغه  د قرآن   له   آیتونو څخه منکر  ګڼل کیږي   بلکه   درواغ   سرچپه  په  قرآن   ور اړوي ، که  څوک  د صلیب   احترام  له  پوهي ادراک  سره سره  کوي  ,  نو د اسلامي  عقیدې  لمخه   هغه کافر ګڼل کیږي  .
عیسی یانو  د قرآن   خبري   واورې دې  ځکه   یې  شپږ  سوه کلونه    وروسته   دعوه   وکړه    چې  حضرت عیسی علیه السلام    ژوندی   دی ، د  رواني    زمانې   عیسی یان    دومره  ناپوهـ ، بې خبره ، بې علمه خلګ  دي   چې  له  یوې  خوا   د حضرت  عیسی علیه السلام   د ژوند  نغارې   غږوي   له   بل  لوري   د صلیب  احترام کوي ، صلیب   خو د حضرت عیسی علیه السلام   د مرګ   او  وژل   کېدو  نخښه  ده  ، دا خو  د هغه   د ژوند نخښه نه ده ، بلکي  د هغه  د ژوند په  خلاف   متضاد عمل دی  چې  دوی  یې سرته رسوي .

د ډیرو  وروڼو پوښتنه  کونکو وروڼو دپوښتنو  ځواب   اوس  جوت   دادﺉ   چې   د هغې   زمانې  عیسی یانو  په   ( نیکټایې ) کې   د صلیب   غوندي   یادګاري  نښان   ځای  په  ځای کړی وو , هغه  ته   احترام او  له  هغه  څخه   د تبرک   حاصلېدل   د دوی   نیت  وو ، لکه   څه   راز  چې  یو مسلمان قرآني ایتونه دتعویذ په  توګه   په   غاړه  ځوړنده  وي  تبرک  ترې  حاصلوي .
نیکټایې که   اوس  صلیب  په  ځان  کې   ولري  او که  یې  ونه  لري ، دكافرانو خاص   شعار دی   مسلمان   ته   یې  استعمال  پرته   له کوم   مجبوریته  جواز  نه   لري ، همدا راز د مسلمان   لپاره   د درملتون   په   دروازه ، شفاخانه ، موټر ، طیاره ، کور ، دفتر  باندي  د صلیب   یادګار  نښان  استعمال   د دین  ، عقیدې  او اسلامي  مقرراتو لمخه  حرام   دی , که کوم  څوک  له  پوهي  او ادراک   سره سره   دا کار کوي  د شرع   په  حکم   مرتد او کافر ګڼل کیږي  .

پاتي شوه  درېشي او پتلون   هغه   د نیکټایې غوندي   اساسي  مشکل نه  لري  ، له  دې   پرته   چې یوسل  پنځویشت  کلونه   وړاندي   یوه  انګریز اجاد کړی  دی ، د مسلمانانو له   لباس څخه  ځانګړې بڼه   لري   او پیغمبر صلی الله علیه  وسلم   مسلمانانو ته   امر کړی  دی , هغه   ساده  لوحه   مسلمان   چې  له  یهودو او نصاری   وو  سره  ځانونه  مشابه  کوي ، چې  هغه  خلګ   دي  په   سیرت   او  صورت  کې ځانونه   ترې   بېل کړي ، له   دې امله   مسلمان    صفته   څوک   چې مجبوریت   ونه  لري ، نو نه  دي   ورته  په کار چې  د هغوی   مخصوص   لباسونه   استعمال   او واغوندي   .  و السلام

مولوی محمد یار وردګ

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x