شعـــــرونه

پيمان

مينه کې ګټه هم تـــاوان شته دی
کله دیـــدن  کله هجران شته دی

عمر که تیر شي نو يادونه د ژوند
د ښو شيبو سره ارمـان شته دی

د جوارګرو پــه کوڅو چې ورځي
 هلته کې سود سره هم زيان شته دی

څه کړم قفقاز د لوړو غرونو ښکلا
چې مې پـــامير د بدخشان شته دی

 زما سپين غر کې د سپرليو موسم
په هره سيمه ارغـــوان شته دی

 لاس بــه په سر نشم د يارد د کلي
لا د ځواني مې څه دوران شته دی

سترګې پـــه لاره  د راتلو يم  ورته
زړه کې مې غلی شان ارمان شته دی

بيا بـــه ګيډۍ ،ګيډۍ د ګلو وروړم
چيرته چې مينه شته پيمان شته دی
——————————-
سميع الدين  افغاني
١٧  – ٧ – ٢٠١٢
م ٠ کال

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x