افغانستان

هلمند: طالبانو نوزاد ولسوالي محاصره کړې

نن ټکی اسیا (سه شنبه، زمري ۶مه، ۱۳۹۴ل): طالبانو د هلمند د نوزاد ولسوالي او امنیه قومنداني محاصره کړې ده.

د هلمند ځايي چارواکي وايي چې طالبانو له تېرې شپې راهیسې د نوزاد ولسوالي پر تعمير او امنیه قومنداني بريدونه پیل کړي چې لا هم روان دي.

د ۲۱۵ قول اردو مسوولین وايي چې په جګړه کې يې درې طالبان وژلي، خو د محاصرې د ماتولو په اړه يې څه نه دي ويلي.

طالبانو هم منلې چې د دوی ملګرې د تېرې شپې له دریو بجو راهیسې د نوزاد ولسوالي مرکز او امنیه قومنداني تر بريدونو لاندې نیولي دي.

دوی رسنیو ته په لېږلې خبرپاڼه کې ویلي، چې د سهار تر پنځو بجو يې د نوزاد په بازار کې پنځه پوستې نیولي او په خبره يې پر مخ روان دي.

دا په داسې حال کې دی چې همدا نن د سرپل چارواکو د کوهستانات ولسوالي د سقوط او کندوز چارواکو بیا د خان اباد ولسوالي د سقوط ته نږدې کېدو خبرونه ورکړي دي.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x