روغتیا

مالګه مو لاندې ناروغۍ درملوي

نن ټکی اسیا (پنجشنبه، زمری ۹مه ۱۳۹۴ل): د روغتیايي کارپوهانو په وینا مالګه باید په خوړو کې ډیره په لږه اندازه استعمال شي ځکه چې د نوو څیړنو پر بنسټ دغه خواړه د انسان پر روغتیا ډیره ناوړه اغیز لري.

مالګه د بدن د ځینو برخو فعالیت زیانمنوي. مالګه د بدن ځینې برخې له منځه وړي او د بدن په عمومي روغتیا هم ناوړه اغیز کوي.

که چیرې مالګه د درمل او دارو په ډول د بدن په باندینۍ برخه استعمال شي ځینې روغتیايي ګټې هم لري. دلته مو له ځینې ناروغیو او روغتیايي ستونز سره اشنا کوو چې د مالګې په مرسته يي درملنه ممکنه ده.

حساسیت (Allergy)
نیمه کاچوغه مالګه له اته اونسه (۲۳۶.۵ ملي لیټره) عادي حرارت لروونکی اوبه کې ښه حل کړئ. د څاڅکو بوتل په مرسته دغه محلول خپلو سپږمو کې واچوئ او دننه يي کش کړئ. هر ځل د پوزې هرې سوري کې دوه یا درې څاڅکي واچوئ. د پوزې هرې سوري لپاره دغه عمل څو ځلي تکرار کړئ. وروسته بیا خپل پوزه داسې پاکه کړئ چې د دغې محلول اثر هم په کې پاتې نه شي.

د بلوط او پیروتي ونو زهر
په زهر ککړ شوی برخه مالګه لروونکی ګرمو اوبو کې خیشت کړئ. دغه عمل د بلوط او پیروتي ونې زهر په له منځه وړلو کې ډیره زیاته مرسته کوي.

مچۍ او خزندې زهر
د مالګې او اوبو څخه مرهم جوړ کړئ. دغه مرهم د بدن په هغه برخه چې مچۍ او یا هم خزندې چیچلی وي ووهئ. دغه عمل د چیچل شوې برخې درد او خارښت په ارامولو کې ډیره زیاته مرسته کوي.

له دې سربیره کولی شئ مساوي اندازه مالګه او د خوړو سوډا (Baking Soda) یو ځای کړئ. دغه مخلوط د یو برس په وسیله په چیچل شوې او یا د بدن هغه برخه چې خارښت کوي ووهئ. هیره دې نه وي چې دغه عمل یوازې د مچۍ او خزندو د زهر او خارښت له منځه وړلو لپاره کارول کیږي.

دغه عمل د ګونګټې او خسک چیچل شوې برخې لپاره چې له اندازې زیات خارښت کوي هم یو غوره طبیعي درمل ګڼل کیږي.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x