شعـــــرونه

پلټنه

shamim
لیکوال او شاعر

محمد هاشم (شمیم)

فقیر ژوند د سړک په گدایي کښي پلټي
مامور یې د دفتر زړه چوکي کښي پلټي

مستان ورپسي گرځي د شرابو پیمانه کي
عسکر یي په معاش د سربازي کي پلټي

لیکوال بیا د لیکونو په خاشو کي پسي گرځي
چاپلوس یې همیشه په بوټ پاکي کښي پلټي

بډای یې لټوي په سود خوري او احتکار کي
ظالم یې قتل و چور او خونخواري کي پلټي

وزیر، معین، ریس یې د زورواکو په لمن کي
زورواک يې د مافیا په باداري کښي پلټي

خاوند د سیاست يې د ملت خطا ایستو کي
شورا يې د اولس بې اتفاقی کي پلټي

هر څوک په خپل گمان ور پسي گرځي سرگردانه
د عقل خاوندان یې په راستي کي پلټي

سرتیري مینان چي یې مذهب و طندوستي ده
هغوی يې د اولس په سوکالي کي پلټي

(شمیمه) د صلاح او خیر خاوند د خدای په امر
ژوندون د مظلومانو خوشحالي کي پلټي

لیکوال او شاعر محمد هاشم (شمیم) کندهار – افغانستان

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
ستاسو نظر مونږ ته دقدر وړ دی، راسره شریک یې کړئx
()
x