شعـــــرونه

په مخه دې گلونه افتخار د افغانانو

د ملا محمد عمر مجاهد د وفات په اړه د سلطان محمود سالمزی شعرې ډالۍ: //

په مخه دې گلونه افتخار د افغانانو //
په زړونو کې مو ځای لرې، وې هار د افغانانو //

نړۍ درته حیرانه ده همت باندې دې ویاړي //
عُمر د زمانې وې قیادت باندې دې ویاړي //

راځي تورو تیارو پسې سهار د افغانانو //
په زړونو کې مو ځای لرې، وې هار د افغانانو //

تاریخ لیکونکی نه وې جوړونکی د تاریخ وې //
گالل دې تکلیفونه سم د حق په لاره سیخ وې //

خزان وهلي بڼ لره بهار د افغانانو //
په زړونو کې مو ځای لرې، وې هار د افغانانو //

همیش دنیا کې ژوند نشته یقین د مؤمنانو //
د حق په فیصلو باندې تلقین د مؤمنانو //

ارمان پاتې په زړونو کې دیدار د افغانانو //
په زړونو کې مو ځای لرې، وې هار د افغانانو //

نصیب دې انعامات د جنتو شه ننگیالیه //
تاریخ به دې وي پاتې په نړۍ کې توریالیه //

کیسې د غیرتونو کړي اظهار د افغانانو //
په زړونو کې مو ځای لرې، وې هار د افغانانو //

عسکر د خدای د دین وې او ساتونکی د اسلام //
غوښتونکی د اسلام وې او مننونکی د اسلام //

مرهم و سالمزیه په پرهار د افغانانو //
په زړونو کې مو ځای لرې، وې هار د افغانانو //

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
ستاسو نظر مونږ ته دقدر وړ دی، راسره شریک یې کړئx
()
x