نړۍ

د اسلامي نړۍ مشهور عالم دکتور وهبة الزحیلي وفات شو

نن ټکی اسیا (یکشنبه، زمري ۱۸مه ۱۳۹۴ل): د اسلامي نړۍ مشهور دیني عالم او فقيه دکتور وهبة الزحیلي بېګا ماښام د ۸۳ کلونو په عمر وفات شو.

وهبة الزحیلي په معاصره نړۍ کې مشهور او منل شوی عالم و. هغه په یوه وخت په مکه، جده، هند، امریکا او سوډان کې د فقهي مجامعو غړی و.

وهبة الزحیلي له اره د سوریې د ریف دمشق ښار و.پلار يې د قران حافظ او سوداګر و. هغه ابتدايي، متوسطه او ثانوي زده کړې په سوریه کې وکړې. زحیلي له وړکتوبه د خپل صنف د اول نمره په حیث پاتې شوی دی.

زحیلي د تحصیل دوره د مصر د ازهر په شرعیاتو پوهنځي کې پیل کړه، هغه په ۱۹۵۶ کې له دغه پوهنتونه لسانس وکړ. وروسته يې د همدې پوهنتون د عربي ادبیاتو په پوهنځي کې تدریس هم پیل کړ. هغه د تدریس سربېره حقوقو کې د عین شمس له پوهنتونه لسانس هم وکړ.

مرحوم وهبة الزحیلي په ۱۹۵۹ کې د قاهرې پوهنتون د حقوقو له پوهنځي ماستري ترلاسه کړه. هغه په ۱۹۶۳ز کال کې د «جګړو اثار په اسلامي فقهه کې» د دکتورا رساله ولیکله. دغه رساله د اسلامي مذهبونو او نړیوالو قوانینو تر منځ مقارنه وه.

ښاغلي زحیلي د نړۍ په بېلابېلو پوهنتونونو کې استاد پاتې شوی، په لسګونو پوهنتونو کې یې لېکچرونه ورکړي او ډیری پوهنتونو ورته امتیازي دکتوراوې ورکړي دي.

وهبة الزحیلي لسګونه کتابونه لیکلي چې تر ټولو مشهور يې الفقه الاسلامي وأدلته دی چې څو ژبو ته ژباړل شوی دی.

د هغه کتابونه د نړۍ په لسګونو پوهنتونونو کې تدریسږي.

ورته لیکنې

ګډون وکړئ
خبرتیا غوښتل د
guest
2 Comments
زړو
نویو ډیرو خوښو شویو
Inline Feedbacks
ټولې تبصرې کتل
حنیف

إنا لله وإنا إليه راجعون
اللهم اغفر له وارحمه وعافه واعف عنه, وأكرم نزله, ووسع مدخله, واغسله بالماء والثلج والرد, ونقه من الخطايا كما ينقى الثوب الأبيض من الدنس, اللهم أبدله داراً خيراً من داره، وأهلاً خيراً من أهله، وزوجا خيرا من زوجه, وأدخله الجنة وأعذه من عذاب القبر ومن عذاب النار، وافسح له في قبره ونوِّر له فيه، اللهم اغفر لحينا وميتنا، وشاهدنا وغائبنا، وصغيرنا وكبيرنا، وذكرنا وأنثانا، اللهم من أحييته منا فأحيه على الإسلام ومن توفيته منا فتوفه على الإيمان, اللهم لا تحرمنا أجره ولا تفتنا بعده…

عبدالله

إنا لله و إنا إليه راجعون

Back to top button
2
0
Would love your thoughts, please comment.x
()
x