افغانستان

بادغیس او فارياب کې د دوستم ملېشو ته درنه مرګ ـ ژوبله اوښتې

نن ټکی اسیا (یکشنبه، زمري ۲۵مه، ۱۳۹۴ل): له نږدې درې اووینو راپدېخوا د جنرال دوستم ملېشو د دولتي عسکرو په ملاتړ په فارياب کې د طالبانو پر ضد عملیات پیل کړي دي.

د ګډ حکومت د جمهور رییس لومړي مرستیال وروسته له هغه د طالبانو پر ضد د جګړې قومنده پر غاړه واخیسته چې د بلخ له واکمن عطامحمد نور سره يې یوځای ګډه ملېشه رامنځته کړه.

تازه راپورونه وايي چې د فارياب په قیصار او د بادغیس په جوند او قادس ولسوالیو کې د دوستم د ملېشو او وسله والو طالبانو تر منځ په نښتو کې ۴۵ ګډو ځواکونو ته مرګ ـ ژوبله اوښتې ده.

طالبانو رسنیو ته په لېږلې خبرپاڼه کې ویلي چې د فارياب په قیصار ولسوالۍ کې يې له تېرو دریو ورځو راهیسې دوستم او دولت ۱۹ جنګیاليو ته مرګ ـ ژوبله اړولې او دوه ټانګونه يې له منځه وړي دي.

طالبانو د قیصار په زیارتګاه، شاخ، غوره، ارکلي او چچکتو سیمو کې په دې نښتو کې د خپلو دوو ملګرو د وژل کېدو او دريو نورو د ټپي کېدو منلي دي.

په ورته توګه يې د بادغیس په جوند او قادس کې د ۲۶ ګډو عسکرو د وژل کېدو او دريو پوستو د نیولو خبر ورکړی دی.

د بادغیس د ولایتي شورا غړی محمد فريد اخيزي هم مني چې د جوند په جګړه کې دولتي جګړه مارو ته ځاني زيان اوښتی دی.

د هغه په خبره په دې جګړه کې ۱۲ پولیس او پنځه وسله وال وژل شوي دي، خو د قادس د جګړې په اړه يې ناخبري وښوده.

دوستم له دريو اوونیو راهیسې په شمال کې له طالبانو سره په جګړه کې بوخت دی، چې د عملياتو په پیل کې يې په شمال کې د طالبانو له منځه وړلو ژمنه وکړه، خو د ولسي جرګې ځينې غړي او د سیمې اوسېدونکي وايي چې د دوستم ملېشې د طالب او د هغه د ملاتړي په پلمه د پښتنو کورونه لوټي.

د ولسي جرګې غړی عبدالقادر ځاځی وايي چې د دوستم له لوري د پښتنو پر ضد جګړه پیل شوې ده، چې د ده په وینا د سیمې خلک ورسره د تلیفون له لارې دغه حالات شریکوي.

تر دې وړاندې د دې عملياتو په پیل کې یوازې د فارياب له قیصار، المار او پښتونکوټ ولسواليو نه نږدې درې زره کورنۍ کډوالي ته اړ شوي دي او څو ورځې وړاندې په همدې ولایت کې د ولسي وګړو دوه ویشت کورونه د اور خوراک شول.

ورته لیکنې

ګډون وکړئ
خبرتیا غوښتل د
guest
2 Comments
زړو
نویو ډیرو خوښو شویو
Inline Feedbacks
ټولې تبصرې کتل
عبدالله

بارک الله
اللهم انصر المجاهدين في کل مکان

عبدالرازق

ستاسو له نظره طالبان مجاهد دي او بس. طالبان چه در آمریکایانو او وهابیانو ګوډاګیان دي د خلکو وژل وا د خلکو د شته منیو له منځه وړل ته جهاد وایی. الهم انصر الحق و اخدل الباطل.

Back to top button
2
0
ستاسو نظر مونږ ته دقدر وړ دی، راسره شریک یې کړئx
()
x